Saıasat • 07 Qańtar, 2020

Áleýmettik saladaǵy kúres toqtamaýy tıis

41 retkórsetildi

Jemqorlyqtyń jarǵa jyǵatyny belgili bolsa da, qoǵamda sybaılastyqtyń sıpaty kórinis berip qalady. El Prezıdenti Qasym-Jomart Toqaev «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Joldaýynda «Sybaılas jemqorlyqpen jan-jaqty kúresý máselesi kún tártibinen túsken joq», degen bolatyn.

 

Osy oraıda, Sybaılas jem­­qor­lyqqa qarsy is-qımyl agent­­tiginiń Jambyl oblysy bo­­ıyn­sha departamenti sybaı­las jemqorlyqqa qarsy is-qı­­­myl jáne onyń kez kelgen kó­­rinisterinen azamattardyń qu­qyqtaryn qorǵaý baǵytynda ju­mys júrgizýde. Atal­ǵan departament basshy­synyń orynbasary Nur­ken Isla­movtyń aıtýynsha, byltyrdyń ózinde Jambyl oblysynyń aýmaǵynda áleýmet­tik kómek kórsetý salalarynda sybaılas jemqorlyq sıpatynda jasalǵan 5 qylmys tirkelipti.

«Atalǵan salalarda sheneý­nikter tarapynan tapsyrylǵan bóten múlikti ıemdenip alý nemese talan-tarajǵa salý, laýa­zym­dyq ókilettikterdi teris paıdalaný, para alý sııaqty qyl­mystar keńinen taralǵan. Sonymen qa­tar áleýmettik kómek salalary­ kóptegen mıllıardtyq bıýdjet­ qarajattary shoǵyr­lanǵan «Ná­tı­jeli jumyspen qamtýdy já­ne jappaı kásip­ker­likti da­my­týdyń» 2017-2021 jyldarǵa ar­nalǵan «Eńbek» memlekettik baǵ­dar­­la­masy júzege asyry­lýyn súıe­­meldeıdi. Bul turǵy­da Memleket basshysy Memleket­tik baǵdarlamalardy júzege asyrý jáne bıýdjet qarajatyn jumsaý boıynsha baqylaýdy jáne jaýapkershilikti qataıtý qajettigin, halyqtyń qarajatyn tıimsiz paıdalanýǵa jáne ur­laýǵa baılanysty jasalynǵan quqyq buzýshylyqtar qatań túrde jazalanatynyn aıtqan edi», deıdi Nurken Islamov.

Búginde memleket tarapynan áleýmettik salaǵa tıisti qol­daý kórsetilip keledi. Iаǵnı, tur­ǵyndardyń turmysyn túzetý maqsatynda qyrýar qarajat bó­linýde. Alaıda, jergilikti keıbir laýazymdy tulǵalar so­nyń ózin tıisti azamattarǵa bólmeı, ból­se de jeń ushynan jal­ǵasqan jem­qorlyqqa boı aldyrýy óki­nishti. Máselen, Jambyl aýdany Kólqaınar aýyldyq okrýgi ákimdiginiń laýazymdy tul­ǵalary ataýly áleýmettik kó­mek alýǵa muqtaj emes tul­ǵa­larǵa belgili bir syıaqyǵa jal­­­ǵan qujat ja­saǵan derekteri anyq­talǵan. Endi paraqorlyq sanatta qozǵalǵan qyl­mystyq is boıynsha keshendi sot-sarap­tama taǵaıyndalyp, jan-jaq­ty tergep-tekserý amaldary júr­gizilýde. «Budan basqa, Ta­raz qalalyq jumyspen qamtý jáne áleýmettik baǵdarlamalar bóli­miniń bas mamany N.Bıja­nov ataýly áleýmettik kómekti alyp berý jáne ári qaraı qam­qorlyq jasaý maqsatynda azamatsha G.Salıevadan bir aı­lyq járdemaqy 103 000 teńge, D.Ahmetovadan bir aılyq jár­demaqy 96 000 teńge para alý deregimen quryqtalǵan. Búginde jan-jaqty tergep-tekserý amal­dary júrgizilip, is qazirgi tańda qaraý úshin Taraz qalalyq №2 sotyna joldanǵan», deıdi departament basshysynyń oryn­basary.

Nurken Is­lamovtyń aıtýynsha, 2019 jy­ly Sarysý aýdandyq jumys­pen qamtý jáne áleýmettik baǵ­dar­lamalar bóliminiń bas mamany N.Aıymbetova kóp balaly analarǵa arnalǵan áleýmettik kómek alýǵa kómektesý jáne ári qaraı qamqorshylyq jasaý maq­satynda azamatsha G.Ab­dýl­laeva men G.Abıshe­va­lar­dan 100 000 teńge para alý dere­gimen ustalǵan. Atalǵan is boıynsha jan-jaq­ty tergep-tekserý amaldary júrgizilip, Sarysý aýdandyq sotymen N.Aıymbetova kináli dep ta­ny­lyp, 2 000 000 teńge aıyp­­­pul jazasyna kesilgen. Son­­­daı-aq departamenttiń je­del­ qyzmetkerlerimen jedel izdes­tirý is-sharalaryn júr­gizý barysynda T.Rysqulov aýdan­dyq bilim bóliminiń bas mamany, aýdandyq qorǵanshylyq jáne qamqorshylyq keńesiniń hatshysy Sh.Maýtbaevtyń teris áreketi anyqtalǵan. Ol ata-anasynyń qamqorlyǵynsyz qalǵan balaǵa qorǵanshylyq belgileý jáne ony odan ári asyrap alý týraly máseleniń oń sheshilýine járdem kór­­­setýge Z.Kadyrovadan 350 000 teńge para alý deregimen qu­ryq­talǵan. Jan-jaqty tergep, tek­serý amaldaryn júrgizý nátı­­jesinde sotqa joldanyp, T.Rysqulov aýdandyq sotynyń úkimimen Sh.Maýtbaevqa 3 jyl bas bostandyǵynan aıyrý jazasy taǵaıyndalǵan.

Jalpy, Jambyl óńirinde 2019 jyly áleýmettik kómek kórsetý salalarynda sybaılas jemqorlyq sıpatynda derek artyp otyr. Árıne, bul rette máse­leniń eki jaǵy bar ekenin de umyt­paǵan jón. Sebebi keıbir azamattardyń ózi tirligin tez bitirip alý úshin jaýapty adamdardy para alýǵa ıtermeleıdi. Sondyqtan da, sybaılas jem­qor­lyqpen memleket bolyp kú­resip jatqanda árbir azamat oń áreketti ózinen bastasa durys bolar edi...

 

Jambyl oblysy

 

Uqsas jańalyqtar