Kezdesý barysynda Murat Baqtııaruly Memleket basshysynyń tapsyrmasy boıynsha Parlament qabyrǵasynda atqarylyp jatqan jumystar, qabyldanǵan zańdar men aldaǵy ýaqytta depýtattardyń nazaryna usynylatyn jobalar tóńireginde keńinen áńgimelep berdi.
Al Dana Nurjigit áleýmettik máseleler, kópbalaly otbasylarǵa beriletin járdemaqy, mindetti áleýmettik medısınalyq saqtandyrý, ataýly áleýmettik kómek júıesine engizilgen ózgerister jóninde túsindirme jasady.
Depýtattar jıynǵa qatysqan bilim salasynyń qyzmetkerleri men ardagerleriniń suraqtaryna jaýap berdi. Aýdan ákimi Murat Ergeshbaev aýdanǵa arnaıy jumys saparymen kelgen depýtattarǵa alǵysyn aıtty.
Senatorlar aýdanǵa jumys sapary barysynda «Syr marjany» JShS-nyń mal bordaqylaý alańynyń jumysyn kórip, Aqtan batyr aýylyndaǵy ortalyq saıabaq, jaqynda ashylǵan Álseıit kópirimen tanysty. Áıteke bı kentindegi aýdandyq mekemeler úıinde aýdan ákimi Murat Ergeshbaev Senat depýtattaryna «Ashyq ákimdik» jobasy aıasynda jumys isteıtin kabınetterdi kórsetti.
