Aýyl turǵyndarynyń atynan buqaralyq aqparat quraldary ókilderine habarlasqan zańger Nurlan Baıǵazıevtiń aıtýynsha, Almaty oblysynyń jer qatynastary basqarmasy eldi meken aýmaǵyndaǵy 203 jer tiliminiń ıesin sotqa berip, qujattarǵa berilgen jekemenshik quqyǵyn zańsyz dep tanýdy talap etip otyr eken.
Turǵyndar resmı mekemeniń bul talabyn túsinbeı, narazylyq bildirýde. О́ıtkeni, turǵyndardyń qolynda jerge zańdy ıelik etýge berilgen memlekettik akti bar, eldi meken aýmaǵynda turǵyn úı salýǵa ruhsat berilgeni jaıynda da qujattary túgel. Jáne baspanaǵa muqtaj adamdar jer telimderin Boraldaı aýyldyq okrýgi ákiminiń sheshimimen jekemenshikke aınaldyrǵan tulǵalardan satyp alǵan. Áýelgide aýmaqtaǵy telimder úshin 1 mln teńgeden 2 mln 500 myń teńgege deıin baǵa belgilengen eken.
Al oblystyq basqarmanyń da óz ýáji bar eken. Mamandar aýmaqtyń bas josparynyń ógerýine baılanysty, eldi meken ornalasqan jer memleket qajeti úshin qaıtarylýy kerek dep otyr. Turǵyndar men atqarýshy bılik arasyndaǵy teketireske aınalǵan daýly iske qatysty ádil sheshimdi endi sot aıtýy tıis.
