Depýtattar oblys ákimi Jeńis Qasymbekpen kezdesip, óńirdiń ózekti degen máselelerin talqylady.
– Qaraǵandyda biz ardagerlermen, saıajaı qoǵamdastyqtarynyń ókilderimen kezdestik. Polısııa departamentinde kezdesý ótkizdik, – dedi Májilis depýtaty Nurlan Ábdirov.
Sonymen qatar, halyq qalaýlysy QR Qylmystyq kodeksindegi ózgerister týraly habarlady. Máselen, mal urlyǵy úshin jazalaýdy jeke bap boıynsha belgileý josparlanyp otyrǵanyn atap ótti. Sondaı-aq, mas kúıinde kólik júrgizgeni úshin jazany qatańdatý týraly aıtyldy. Endi mundaı quqyqbuzýshylyq úshin júrgizýshiler bas bostandyǵynan da aıyrylýy múmkin.
Májilis depýtattary oblysta taǵy birneshe kún bolady. Olar memlekettik mekemeler men kásiporyndardyń jumysshylarymen kezdesip, zańnamaǵa engizilgen ózgeristerdi túsindirip, oblys turǵyndarynyń suraqtaryna jaýap beredi.
