«Batys Qazaqstan oblysynda tumaý aýrýynyń taralý deńgeıi turaqty. Tumaýdyń asqynǵan túri tirkelgen joq. Ahýal jyldaǵy deńgeımen birdeı. Sondyqtan oblys turǵyndaryna eshqandaı ýaıymǵa sebep joq. Oblysta tumaý, basqa da JRVJ aýrýlary BQO taýarlar men kórsetiletin qyzmetterdiń sapasy men qaýipsizdigin baqylaý departamentiniń jiti qadaǵalaýynda» delingen departamenttiń baspasóz qyzmeti taratqan habarlamada.
Epıdemııalyq maýsym bastalǵaly beri, ıaǵnı 2019 jylǵy 1 qazannan bastap bıylǵy 6 qańtarǵa deıingi aralyqta Batys qazaqstan oblysynda jiti respıratorlyq-vırýstyq juqpanyń 7776 oqıǵasy tirkeldi. Aýyrǵandardyń deni, ıaǵnı 75,6%-y – 14 jasqa deıingi balalar eken. Osy aralyqta 348 pnevmonııa oqıǵasy da tirkelgen. Bular túgelge jýyq (97,7%) – 14 jasqa deıingi balalar. Abyroı bolǵanda adam ólimi joq.
«Oblys boıynsha «V» tumaýy vırýsynyń aınalymy anyqtaldy, tumaýdyń zerthanalyq rastalǵan 42 jaǵdaıy tirkeldi, 14 jasqa deıingi aýyrǵan balalardyń úles salmaǵy 85,7%» deıdi departament.
BQO taýarlar men kórsetiletin qyzmetterdiń sapasy men qaýipsizdigin baqylaý departamenti óńirdegi epıdemıologııalyq ahýaldy jiti qadaǵalap, kúndelikti monıtorıng júrgizip otyr.
