Qazaqstan • 08 Qańtar, 2020

О́simdik jáne mal sharýashylyǵy erikti saqtandyrýǵa kóshedi

31 retkórsetildi

Aýyl sharýashylyǵy mınıstrligi 2020 jyldyń 1 jáne 6  qańtarynan bastap 2019 jylǵy 28 qazandaǵy «Qazaqstan Respýblıkasynyń keıbir zańnamalyq aktilerine agroónerkásiptik keshendi retteý máseleleri boıynsha ózgerister men tolyqtyrýlar engizý týraly» zańy aıasynda qarastyrylǵan keıbir tolyqtyrýlar men túzetýler zańdy kúshine enetinin eske salady. Bul týraly mınıstrliktiń baspasóz qyzmeti habarlady.

О́tken jyldyń sońynda Aýyl sharýashylyǵy mınıstrliginiń bastamasymen joǵaryda atalǵan zań qabyldanǵan. Zań aıasynda 42 zańnamalyq aktige, onyń ishinde Jer, Orman, Bıýdjettik, Qylmystyq, Salyq kodeksterine ózgerister engizildi.

Atalmysh engizilgen ózgerister men tolyqtyrýlarǵa sáıkes 2020 jyldyń 1 qańtarynan bastap bıznes úshin salada ǵylymı-zertteý jáne tájirıbelik-konstrýktorlyq jumystar júrgizýdi sýbsıdııalandyrý qarastyrylǵan. Bul sharalar arqyly agroónerkásiptik keshenderge ınnovasııalardy engizý jedeldetiledi dep kútilýde.

2020 jylǵy 6 qańtarynan bastap Bilim jáne ǵylym mınıstrliginiń joǵary jáne orta arnaýly oqý oryndaryndaǵy aýyl sharýashylyǵy mamandyqtary boıynsha mamandar daıarlaýǵa arnalǵan memlekettik bilim berý tapsyrystarynyń kólemin anyqtaý, olardy bólý men ornalastyrý baǵytyndaǵy quziretterin QR Aýyl sharýashylyǵy mınıstrligine berý jónindegi norma óz kúshine enedi. Bul ózgerister saladaǵy mamandardy daıyndaýda memlekettik tapsyrysty naqty qalyptastyrýǵa, qarjylandyrý kólemin durys anyqtaýǵa, sapaly kadrlardy daıarlaıtyn joǵary oqý oryndaryn ádiletti túrde irikteýdi júrgizýge jáne mamandyqtar boıynsha granttardy durys bólýge múmkindik beredi.

Sondaı-aq, 6 qańtardan bastap «О́simdik sharýashylyǵyndaǵy mindetti saqtandyrý týraly» QR Zańy óz kúshin joıdy. Endi ósimdik jáne mal sharýashylyǵynda sharýalar úshin mindetti saqtandyrýdan erikti saqtandyrýǵa kóshý júıesi engizilip otyr.

Qabyldanǵan saqtandyrýdyń jańa júıesi aýyl sharýashylyǵy sýbektilerin qoldaýdyń naqtyly baǵyttaryn aıqyndap otyr. Atap aıtqanda,  mınıstrlik endi saqtandyrýdy sýbsıdııalaýdyń ornyna saqtandyrý polısterin alýdy sýbsıdııalaý júıesin engizdi. Bul fermerlerlerdiń shyǵyndaryn azaıtyp, saqtandyrý júıesi men saqtandyrý qarjylaryn alý júıesin ashyq etedi.

Sondaı-aq, mınıstrlik fermerlerge ekinshi deńgeıli bankterden nesıeler alý barysynda saqtandyrý polısterin kepildik retinde paıdalanýǵa múmkindik beretin normalardy engizip otyr.
 
Aıta ketý kerek, erikti saqtandyrýdyń jańa júıesi elektrondyq platformada jumys isteıtin bolady. Saqtandyrý kelisim-sharttaryn jasaý, sýbsıdııalaý, saqtandyrý jaǵdaıynyń oryn alýy faktilerin anyqtaý jáne saqtandyrý tólemderin tóleý aqparattyq júıe arqyly júrgiziletin bolady. Bul táýekelderdi basqarýdyń ashyq júıesin qurýǵa múmkindik beredi.
Sońǵy jańalyqtar

Elbasy Túrkııa halqyna kóńil aıtty

Qazaqstan • Búgin, 14:17

Elektiń sory – alty valentti hrom

Ekologııa • Búgin, 14:05

BQO polısııasy 440 otbasyn tekserdi

Aımaqtar • Búgin, 13:20

Túrkııada jer silkinisi boldy

Álem • Búgin, 10:14

Qyzylorda: Qazalydaǵy qonys toı

Aımaqtar • Búgin, 09:07

Uqsas jańalyqtar