Aımaqtar • 08 Qańtar, 2020

Qyzylorda oblysynyń ákimi aýyl turǵyndarymen kezdesti

431 retkórsetildi

Qyzylorda oblysynyń ákimi Qýanyshbek Ysqaqov bıylǵy alǵashqy jumys saparyn coltústik aýdandardy aralaýdan bastady. Bul týraly oblys ákimdiginiń baspasóz qyzmeti habarlady.

Keshe aımaq basshysy Qazaly aýdanynyń Janqoja batyr, Bekarystan bı aýyldary men Aral aýdanyna qarasty 12 eldi mekende bolyp, turǵyndarmen kezdesti. Qazaly aýdanyndaǵy Bekarystan bı aýylynyń turǵyndary aımaq basshysyna aýyz sý máselesi men sport keshenin salý týraly ótinish aıtty. О́ńir basshysy aýyz sý máselesi bıyl óz sheshimin tabatynyn jáne sport keshenin jergilikti kásipkerlermen birlesip memlekettik-jekeshelik áriptestik negizinde salý joldary qarastyrylyp otyrǵanyn jetkizdi.

Munan soń aımaq basshysy Aral aýdanynyń eń shalǵaı ornalasqan Qaratereń, Qarashalań, Bógen aýyldarynda bolyp, halyqtyń turmys-tirshiligimen tanysty. Aýyl turǵyndary jol, uıaly baılanys jelisin ornatý,  balabaqsha ǵımaraty men aýyldyq klýbty jańartý, aıaq sý problemasy sekildi máseleler kóterdi.

Araldyqtar úshin ásirese Amanótkel aýyly tusynda ornalasqan qalqymaly kópirdi jańartyp, Qarashalań eldi mekeniniń jolyn jóndeý ózekti másele bolyp otyr. Qýanyshbek Dosmaıyluly qalqymaly kópirdi jańartý úshin tıisti jumystar atqarylatynyn aıtty, al Qarashalańdaǵy jol bıyl jóndeledi.

Uqsas jańalyqtar