Aımaqtar • 08 Qańtar, 2020

Aqmolada 52 myń adam sapaly sýmen qamtamasyz etildi

46 retkórsetildi

2019 jyly oblystyq energetıka jáne turǵyn úı-kommýnaldyq sharýashylyǵyna respýblıkalyq jáne oblystyq bıýdjetten 32,7 mıllıard teńge bólindi. 16 baǵdarlama boıynsha 86 joba júzege asyryldy. «Aýyl – el besigi» jobasyna 454,2 mıllıon teńge bólindi. Zerendi men Astrahan selolarynyń bý qazandyǵy qalpyna keltirildi.

Arshaly kentinde bý qazandyǵy men jylý júıesiniń qurylysy bastaldy. Sondaı-aq, qysqa daıyndyq kezinde 75,1 shaqyrym jylý júıesi jóndeldi. Aqmola oblysynda 616 eldi mekenniń 372-si ortalyqtandyrǵan sýmen qamtamasyz etilgen. 20 eldi meken aýyz sýdy tasymaldap ishedi.

2019 jyly «Aýyl – el besigi» jobasyn júzege asyrýǵa 158,3 mıllıon teńge bólindi. Qalalar aýmaǵyn damytý baǵdarlamasy boıynsha Jibek Joly men Qosshy selolaryna sý qubyry júıesin jóndeýge qomaqty qarjy bólindi. Selolardy sýmen qamtamasyz etýge 5,9 mıllıard teńge, Shýchınsk-Býrabaı kýrortty aýmaǵyn damytýǵa 4,1 mıllıard teńge, «Nurly jol» baǵdarlamasy boıynsha Stepnogorsk qalasynyń sý qubyry júıesin jóndeýge 4,4 mıllıard teńge baǵyttalyp otyr.

О́tken jyly Qosshy kentiniń sý qubyry júıesin sheńberlendirý jobasy iske qosyldy. Shýchınsk-Býrabaı kýrortty aýmaǵyn damytýdyń eki jobasyn, Arshaly kentindegi sý qubyry júıesiniń 9 jobasyn iske qosý josparlanýda. О́zge jobalar 2020 jyly júzege asyrylady. Eldi mekenderdi sýmen qamtamasyz etý boıynsha oblystyń 13 eldi mekeninde 194 mıllıon teńgeniń izdeý-barlaý jumysy júrgizildi. Bıylǵy jyly paıdalanýǵa berilgen 13 nysannyń esebinen 52 556 adam sapaly sýmen qamtamasyz etildi.

2019 jyly jylý energetıkalyq júıesin damytýǵa 251,2 mıllıon teńge bólinip, Nuresil selosy, 96 razezd ben Shýchınsk qalasynyń elektr júıesi jóndeldi. Makınsk qus fabrıkasynyń elektr júıesi qurylysyna qomaqty qarjy bólindi. Sóıtip, 10 jobany júzege asyrýǵa 2,4 mıllıard teńge bólindi. Selınograd aýdanynyń Nuresil aýylynyń turǵyndary elektr jaryǵymen, Shýchınsk qalasynyń 8 kóshesi kóshe jaryǵymen qamtamasyz etildi.

«Saryarqa» magıstraldyq gaz qubyrynyń qurylysyna oblystyq bıýdjet esebinen 168,1 mıllıon teńge bólinip, Arshaly men Selınograd aýdandarynyń 17 eldi mekenine jobalyq-smetalyq qujat jasaý boıynsha 13 joba júzege asyryldy. Búgingi kúni 8 jobanyń memlekettik saraptamasynyń oń qorytyndysy alyndy. 5 jobanyń qujaty memlekettik saraptamada jatyr. Tórt jobanyń qurylys-montaj jumysyna konkýrs jarııalandy. 2020 jyly 7 eldi mekende gaz qubyry júıesiniń qurylysy bastalady. Bul Arshaly men Selınograd aýdandarynyń 10500 tutynýshysyn tabıǵı gazben qamtamasyz etýge múmkindik beredi.

 

Aqmola oblysy

 

Sońǵy jańalyqtar

Reseıde altyn qory azaıyp keledi

Ekonomıka • Búgin, 20:25

Túrkistan: Kenege qarsy kúres bastaldy

Aımaqtar • Búgin, 17:03

Ulttyq kınodaǵy karantın

Aımaqtar • Búgin, 16:56

Dúkenderdiń jumys kestesi belgilendi

Aımaqtar • Búgin, 16:55

Aqtaý qalasy karantınge jabylǵan joq

Aımaqtar • Búgin, 16:31

Ulttyq tanymnyń ózegi – tarıhı sana

Rýhanııat • Búgin, 14:51

Uqsas jańalyqtar