Sport • 08 Qańtar, 2020

Erteń jasóspirimderdiń III qysqy Olımpıadasy bastalady

82 retkórsetildi

Erteń Shveısarııanyń Lozanna qalasynda jasóspirimderdiń III qysqy Olımpııa oıyndary bastalady.

22 qańtarǵa deıin sozylatyn aıtýly jarysta 70 memleketten kelgen 1880 úmitker óner kórsetedi. Olar alpınızm, bıatlon, bobsleı, kerlıng,  konkı, mánerlep syrǵanaý, skeleton, snoýbord, taý shańǵysy, frıstaıl, shaıbaly hokkeı, shanamen syrǵanaý, shańǵy, shańǵy qossaıysy, shańǵymen tuǵyrdan sekirý jáne short-trek sekildi sport túrleri boıynsha saıysqa túsedi. Baq synaýshylar qatarynda Qazaqstannyń 26 jas óreni bar.

О́tkenge zer salsaq, jasóspirimderdiń qysqy Olımpııasynyń alaýy tuńǵysh ret 2012 jyly Avstrııanyń Insbrýk qalasynda tutanǵan edi. Sol jarystyń jalpy komandalyq esebinde Germanııa quramasy aldyna jan salmady. Nemister 8 altyn, 7 kúmis jáne 2 qola medaldi jeńip aldy.

Kelesi doda 2016 jyly Norvegııanyń Lıllehammerinde uıymdastyryldy. Skandınavııa túbeginde AQSh-tyń asyǵa alshysynan tústi. Amerıkalyqtar 10 altyn jáne 6 kúmis júldeni oljalady. 

Sońǵy jańalyqtar

Tiri maldy satý - tıimsiz

Aımaqtar • Keshe

Uly Abaı murasy Kereký elinde

Rýhanııat • Keshe

Abaıdy taný – asyl paryz

Rýhanııat • Keshe

Uqsas jańalyqtar