Rýhanııat • 08 Qańtar, 2020

Kúlki kerýeni № 34

3406 retkórsetildi

Bala tili – bal

Ústi-basy alqa-salqa, jan jaǵyna alaq-julaq etip sheshesiniń súıreýimen ilinip-salynyp kele jatqan tórt jasar Madııar –  ózinen eki-úsh jas úlken naǵashy aǵasy Baýyrjanǵa: – Alqa-salqa bolmaı, alaq-julaq etpeı tez júrseńshi... – degeni...

***

Madııardyń únemi sóılegen sózin túzetip otyratyn ápkesi:

– Tamaq ishesiń be? – degende:

– Mende de aýyz bar, tamaqty jeımin, sháıdi ishemin, – dep ózine túzetý jasady.

***

– Oı, qyzyq-aı, biz atamyz ekeýmiz tramvaıdyń aıaldamasynda tur edik, mańdaıynda «3» degen jazýy, búıirinde «9» degen jazýy bar tramvaı kelip toqtady. Ishine kirip edik, «15» marshrýtpen júrip bergeni...

***

Maı quıatyn stansanyń basynda Madııar ákesinen:

 – Máshıne kóp-kóp benzın jese – áıdik bop ósip, avtobýs bola ala ma? – dep surady.

***

Aǵasy Baýyrjan tórt jasar Madııarǵa:

 – Úıdi shańdatyp jiberdiń, qazir apańnan taıaq jeısiń, – dedi.

Sonda Madııar:

 – Tisim ótpeıdi, taıaq qatty, qalaı jeımin men ony, – dedi.

                                                                                            ***

 Madııar urshyq ıirip otyrǵan apasyna kelip:

 – Apa, qarnym ashyp ketti, – dedi.

 – Onda, nan alyp jeı ǵoı.

 – Oǵan toımaımyn.

 – Aıran ish, tábetiń tartsa kespe quıyp bereıin.

 – Oǵan da toımaımyn.

 – Endi ne jeseń toıasyń?

 – Kámpıt pen pirándik jesem...

Uqsas jańalyqtar