Qazaqstan • 08 Qańtar, 2020

Qazaqstan jahandyq Teńizge shyǵar joly joq damýshy elderdiń tobyn basqardy

77 retkórsetildi

Qazaqstan Teńizge shyǵar joly joq damýshy elderdiń (TShJDE) tobyndaǵy 2020-2021 jyldarǵa arnalǵan tóraǵalyqty qabyldady. Bul týraly Syrtqy ister mınıstrliginiń baspasóz qyzmeti habarlady.

Tóraǵalyq tabystaý rásimi BUU janyndaǵy topqa múshe memleketterdiń elshileri men sarapshylary jáne Eń damymaǵan elder, teńizge shyǵar joly joq damýshy elder men kishi araldyq damýshy memleketter máseleleri jónindegi BUU Joǵary ókili Fekıtamoeloa Ýtoıkamaný qatysýymen ótti.

TShJDE tobyna 32 el, onyń ishinde 16 el Afrıka kontınentinen, 10 - Azııadan (Ortalyq Azııa barlyq bes eli men Aýǵanstan da), 4 - Eýropadan jáne 2 - Ońtústik Amerıkadan kiredi. Qazaqstan teńizge shyǵar joly joq eń iri el, muhıttardan eń alys qashyqtyqta (shamamen 3750 shaqyrym) ornalasqan.

Tóraǵalyq etý kezinde Qazaqstan 2014-2024 jyldarǵa arnalǵan teńizge shyǵar joly joq elder úshin Vena is-qımyl baǵdarlamasyn jáne BUU Ornyqty damý maqsattaryn júzege asyrýǵa tranzıt elderi, BUU agenttikteri jáne basqa da múddeli taraptarmen yntymaqtastyqty keńeıtý arqyly óńirlik negizde belsendi túrde járdemdesedi.

«Tóraǵa retinde Qazaqstan bizdiń Tobymyz jáne barlyq múddeli taraptarmen, onyń ishinde BUU mekemeleri, halyqaralyq qarjy ınstıtýttary, jeke sektor men ǵylymı ókilderi arasyndaǵy yntymaqtastyqty qarqyndatý maqsatynda barlyq kúsh-jigerlerdi salady», - dep Qazaqstannyń BUU janyndaǵy Turaqty ókili Qaırat Omarov is-shara barysynda atap ótti. Sonymen qatar, ol Topty aldyńǵy eki jyldaǵy kezinde basqarǵan Paragvaıdyń BUU janyndaǵy Turaqty ókili Hýlıo Sesar Arrıolaǵa osy laýazymdaǵy atqarǵan aıtarlyqtaı jumys úshin alǵysyn bildirdi.

Fekıtamoeloa Ýtoıkamaný óz sózinde Qazaqstan TShJDE tobynyń múddelerin ilgeriletý men qorǵaýǵa árdaıym belsendi ustanymdy ustanǵanyn atap ótti. Sonymen birge, ol Saýda máseleleri jónindegi TShJDE mınıstrlik kezdesýi Dúnıejúzilik saýda uıymy 12-shi mınıstrlik konferensııasynyń sheńberinde 2020 jyly maýsymda Nur-Sultan qalasynda  Qazaqstan Úkimetiniń arqysynda uıymdastyrylatynyn habarlady.

Qazaqstan 2019 jylǵy 25 qyrkúıekte Nıý-Iork qalasynda ótken TShJDE-niń mınıstrlik jyl saıyn kezdesýi barysynda Toptyń tóraǵasy bolyp saılandy.

Teńizge aýmaqtyq qol jetimdiliktiń bolmaýy, álemdik naryqtardan alystaý pen oqshaýlaný jáne joǵary tranzıttik shyǵyndar teńizge shyǵar joly joq elderdiń jalpy áleýmettik-ekonomıkalyq damýyna aıtarlyqtaı kedergi keltirýde. Olardyń teńizdegi saýdasy basqa elder arqyly tranzıtke baılanysty. Qosymsha shekaralar ótý jáne jahandyq naryqtardan qashyqtyq kólik qyzmetteriniń qunyn aıtarlyqtaı arttyrady. TShJDE-niń aldynda turǵan basqa negizgi syn-tegeýrinderiniń biri - álsiz ınfraqurylym, ekonomıkalyq shaǵyn naryqtar, klımattyń ózgerýine osaldyq, aqparattyq-kommýnıkasııalyq tehnologııalarǵa qol jetimdiliktiń bolmaýy jáne t.b.

Sońǵy jańalyqtar

Senat Bıýrosynyń otyrysy ótti

Parlament • Búgin, 19:00

Muhtar Tólegen: Abaı úni - halyq úni

Aımaqtar • Búgin, 17:31

О́z qarjysyna kitaphana salǵan

Aımaqtar • Búgin, 10:08

Sabannan jasalǵan qalashyq

Aımaqtar • Búgin, 10:05

Mýngııamen judyryqtasýy múmkin

Sport • Búgin, 10:04

Almatydan 356 km qashyqtyqta jer silkindi

Aımaqtar • Búgin, 09:55

Otanǵa qyzmet – ortaq paryz

Qoǵam • Búgin, 09:48

Kóp balaly otbasylar baspanaly boldy

Aımaqtar • Búgin, 09:42

Aýylǵa kel, jas dáriger

Aımaqtar • Búgin, 09:37

Ashyq ári ádil áleýmettik saty

Qoǵam • Búgin, 09:12

О́lketaný órenderdiń óresin ósiredi

Aımaqtar • Búgin, 09:09

Tarıh. Tulǵa. Túrkistan

Rýhanııat • Búgin, 09:06

Adamdyqtyń qaınary

Rýhanııat • Búgin, 08:55

Berik Ýálı: Abaı men Alash

Rýhanııat • Búgin, 08:54

Qoǵamdyq uıym ókilderimen kezdesti

Qazaqstan • Búgin, 08:43

Uqsas jańalyqtar