Jıynda Tergeý departamentiniń bastyǵy polısııa polkovnıgi S.Á. Ádilov Qazaqstan Respýblıkasynyń ishki ister organdary tergeý apparatynyń Memleket basshysy Qasym-Jomart Toqaev qol qoıǵan «Qazaqstan Respýblıkasynyń keıbir zańnamalyq aktilerine qylmystyq, qylmystyq-prosestik zańnamany jetildirý jáne jeke adamnyń quqyqtaryn qorǵaýdy kúsheıtý máseleleri boıynsha ózgerister men tolyqtyrýlar engizý týraly» Zańynyń qoldanýǵa daıyn ekenin habarlady.
Osy zań Qazaqstan Respýblıkasy Qylmystyq kodeksiniń 10-taraýynyń 69-babyna jáne Qylmystyq-prosestik kodeksiniń 72-babyna ózgerister engizedi.
Is-shara barysynda jynystyq tıispeýshilikke qarsy qylmystar úshin jaýapkershilikti qatańdatýdyń erekshelikteri jarııalandy. Jynystyq zorlyq-zombylyq qylmystary boıynsha tatýlasý múmkindiginiń alynyp tastalǵany atalyp kórsetildi.
Maldy urlaýdyń aldyn alýǵa baǵyttalǵan sharalar sıpattaldy. Qylmystyq zańnyń maldy urlaý týraly jańa normasy urlyqtyń basqa túrlerine qaraǵanda anaǵurlym qatań jaýapkershilikti kózdeıdi. Qaıta tatýlasý múmkindigi alyp tastalyndy.
О́z kezeginde Tergeý departamenti bastyǵynyń orynbasary polısııa polkovnıgi M.J. Qojaev azamattardyń ál-aýqatynyń ósýimen jáne avtoparktyń artýymen qatar mas kúıde kólikti basqarý zań buzýshylyqtarynyń ósip otyrǵanyn málimdedi. Osyndaı qylmystar úshin jazany kózdeıtin qylmystyq normalardyń sanksııalary edáýir qatańdatyldy.
Janýarlar men ósimdikter dúnıesin qorǵaý sharalaryn kúsheıtý boıynsha jumys jalǵastyryldy. Kıikterdi zańsyz aýlaý úshin derbes, anaǵurlym qatań jaýapkershilik engizildi, bul sırek kezdesetin janýarlardyń azaıyp bara jatqan sanyn saqtaýǵa múmkindik beredi.
Jurtshylyqtyń nazaryna esirtkiniń zańsyz aınalymyna qarsy kúres boıynsha sharalar týraly aqparat jetkizildi. Qylmystyq kodekstiń nasıhattaý jáne zańsyz jarnama týraly jańa baby qoǵamda esirtki quraldaryn zańsyz tutynýǵa jáne onyń aınalymyna degen jaǵymdy kózqaras qalyptastyrýǵa baǵyttalǵan kez kelgen nysandaǵy aqparattyń taralýyn eskertýge arnalǵan.
Aýyr jáne asa aýyr qylmystardyń jekelegen túrleri úshin jaýapkershilikti qatańdatatyn zań erejeleri aǵymdaǵy jylǵy 11 qańtardan bastap kúshine enedi.
