Kásipkerlikti qoldaý kartasy sheńberinde óńirde 6 myńnan astam jumys orny ashyldy. 380 mıllıard teńgeden astam ınvestısııa tartylǵan 58 ınvestısııalyq joba (onyń ishinde 36 jobasy júzege asyryldy) engizildi. 2019 jyldyń jeltoqsan aıynda ındýstrıaldy-ınnovasııalyq damý boıynsha óńirlik úılestirý keńesi tarapynan ınvestısııa kólemi 4 mıllıard teńge bolatyn jańa 6 joba qoldaý tapty.
Onyń biri – Kókshetaý qalasynda jyldyq qýaty 85 myń tonna metall ónimderin, 9360 tonna maı jáne maıly daqyldar ónimderin shyǵaratyn kásiporyn, Selınograd aýdanynda jyldyq qýaty 24 tonna sút jáne sút ónimderin shyǵaratyn keshen iske qosyldy. Jalpy, Aqmola oblysynda ındýstrıaldy-ınnovasııalyq damý baǵdarlamasy júzege asyrylǵannan beri 107 joba engizilip, 500 mıllıard teńge ınvestısııa tartyldy. 11,7 myń jańa jumys oryndary ashyldy.
Aqmola oblysy
