Álem • 08 Qańtar, 2020

Irandaǵy ushaq apaty: Jolaýshylardyń basym bóligi Iran men Kanada azamattary

100 retkórsetildi

Kıevke baǵyt alǵan Boeing 737 ushaǵy tańerteń Tegeranda Imam Homeını atyndaǵy áýejaıynan ushqannan keıin kóp uzamaı apatqa ushyraǵan edi. Bortta bolǵan 167 jolaýshy men 9 ekıpaj múshesi túgeldeı mert boldy. Olar 7 eldiń azamattary bolǵany aıtyldy. 

Ýkraınanyń Syrtqy ister mınıstri Vadım Prıstaıko qurbandardyń arasynda 82 ırandyq, 63 kanadalyq jáne 11 ýkraındyq bolǵanyn málimdedi.

Prıstaıko sondaı-aq ushaqta Shvesııanyń 11 azamaty, Aýǵanstannyń tórt azamaty, Ulybrıtanııanyń úsh azamaty jáne Germanııanyń úsh azamaty bolǵanyn habarlady.

Ýkraın jáne Iran bıligi ushaq apatynyń terrorlyq áreketke esh qatysy joq ekenin jáne apat sebebi tehnıkalyq aqaýlardan týyndaǵanyn birden málimdegen edi.

Ýkraına Prezıdenti Volodımır Zelenskıı Irandaǵy ushaq apatyna baılanysty qaza tapqan jolaýshylar men ekıpaj músheleriniń jaqyndaryna kóńil aıtty. Prezıdent sondaı-aq ýkraındyq áýe kompanııalarynyń barlyq azamattyq flotyna tekserý júrgizýdi tapsyrdy jáne jaǵdaıdy óz baqylaýynda ustaý úshin Omanǵa saparyn úzýine týra keldi. 

Sondaı-aq Iran taraby áýe kemesindegi qara jáshiktiń qalpyna keltirilgenin jáne onyń AQSh-qa kompanııa ókilderine berilmeıtinin málim etti.

 

Sońǵy jańalyqtar

Tiri maldy satý - tıimsiz

Aımaqtar • Keshe

Uly Abaı murasy Kereký elinde

Rýhanııat • Keshe

Abaıdy taný – asyl paryz

Rýhanııat • Keshe

Uqsas jańalyqtar