Kezdesý barysynda Áset Isekeshev Qordyń áleýmettik jáne bilim berý salalaryndaǵy jobalarynyń iske asyrylýy týraly baıandap, 2020 jylǵa arnalǵan jumys jospary týraly málimet usyndy.
– 2019 jyly Qor 95 jobany júzege asyrdy. Olardyń qatarynda bilim salasyndaǵy talantty shyǵarmashyl jáne ǵylym salasyndaǵy daryndy jastardy qoldaý jobalary bar. Áleýmettik salada birqatar jobalar, sonyń ishinde qaıyrymdylyq sharalar júzege asyryldy. 2019 jyly Qor jobalarynyń qamtý aıasy aıtarlyqtaı keńeıip, is-sharalarǵa qatysýshylardyń jalpy sany 460 myń adamdy qurady, - dedi Qordyń atqarýshy dırektory.
Sonymen qatar, Á.Isekeshev Qazaqstan Respýblıkasy Tuńǵysh Prezıdenti – Elbasy Qory janyndaǵy Álemdik ekonomıka jáne saıasat ınstıtýtynyń qyzmeti týraly aqparat berdi.
– Álemdik ekonomıka jáne saıasat ınstıtýtynyń negizinde geosaıasat, ekonomıka, adam kapıtaly, sondaı-aq, áleýmettik jáne aımaqtyq zertteýler júrgizý úshin strategııalyq «oılaý ortalyǵy» qurylady. Biz 20-dan astam konferensııalar, dóńgelek ústelder men forýmdar ótkizdik, - dedi Qordyń atqarýshy dırektory.
Sondaı-aq, Qazaqstannyń Tuńǵysh Prezıdentine Qordyń transformasııasy aıasynda júrgizilip jatqan jumystar týraly málimet usynyldy. Kelesi jyly Tuńǵysh Prezıdent Qorynyń negizgi baǵyttary boıynsha 125 is-shara ótkizý josparlanǵan.
Kezdesý sońynda Elbasy birqatar naqty tapsyrma berdi.
