Prezıdent • 09 Qańtar, 2020

«Egemen Qazaqstan» gazetinde Prezıdenttiń Abaı týraly maqalasy jaryq kórdi

368 retkórsetildi

«Egemen Qazaqstan» gazetiniń búgingi №5 sanynda Memleket basshysy Qasym-Jomart Toqaevtyń Abaı Qunanbaıulynyń 175 jyldyǵyna arnalǵan «Abaı jáne XXI ǵasyrdaǵy Qazaqstan» atty kólemdi maqalasy jaryq kórdi.

Maqalada el Prezıdenti halqymyzdyń uly perzentiniń mereıtoıyn laıyqty atap ótý úshin arnaıy qurylǵan komıssııa daıyndyq jumystaryn bastap ketkenin, memleket kóleminde jáne halyqaralyq deńgeıde aýqymdy is-sharalar uıymdastyrý josparda ekenin atap ótti.

Sondaı-aq bul sharalardyń «toı toılaý úshin emes, oı-órisimizdi keńeıtip, rýhanı turǵydan damýymyz úshin ótkizilmek» ekenin alǵa tartty.

«Abaı Qunanbaıuly ǵulama, oıshyl, aqyn, aǵartýshy, ulttyń jańa ádebıetiniń negizin qalaýshy, aýdarmashy, kompozıtor retinde el tarıhynda óshpes iz qaldyrǵany sózsiz. Onyń óleńderi men qara sózderinde ult bolmysy, bitimi, turmysy, tirshiligi, dúnıetanymy, minezi, jany, dini, dili, tili, rýhy kórinis taýyp, keıin Abaı álemi degen biregeı qubylys retinde baǵalandy» delingen Prezıdent maqalasynda.

Maqalada avtor Abaı sóziniń búgingi zamanymyz úshin kókeıkestiligi, aqyn shyǵarmalarynan halqymyz qandaı taǵylym alýǵa tıis ekendigi jóninde jurtshylyqpen oı bólisedi. 

Qasym-Jomart Toqaev byltyr halyq arasynda taraǵan Abaıdyń 175 jyldyǵyna arnalǵan estafetany eske alyp, bul jaqsy dástúrdiń bıyl da jańasha jandanatynyna senim bildirdi. 

«О́tken jyly Abaıdyń shyǵarmalarynan úzindi oqý estafetasy ótti. Láılim atty oqýshy qyz usynǵan bul eldik sharaǵa men de qatysyp, qoldaý kórsettim. Mektep oqýshylarynan el azamattaryna, tipti álemdik deńgeıdegi tanymal tulǵalarǵa deıin zor qyzyǵýshylyq tanytyp, lezde ilip áketken bul bastama birneshe aıǵa ulasty. Sonyń arqasynda búkil Qazaqstan Abaı murasyn taǵy bir zerdelep shyqty. Bul – Abaıǵa degen qurmet ári urpaqty tárbıeleýdiń tıimdi tásili. Abaı jyrlaryn oqý chellendji bıyl, aqyn mereıtoıy tusynda jańasha jandanady dep senemin», dedi Memleket basshysy. 

Sońǵy jańalyqtar

Nur-Sultanda qar kúni atap ótiledi

Qoǵam • Búgin, 10:12

18 qańtarǵa arnalǵan aýa-raıy boljamy

Qazaqstan • Búgin, 09:58

Uqsas jańalyqtar