Prezıdent • 09 Qańtar, 2020

Abaıdyń ustanymdary órkenıetti memleket qaǵıdalarymen úndesedi - Prezıdent

61 retkórsetildi

Memleket basshysy Qasym-Jomart Toqaevtyń «Egemen Qazaqstan» gazetiniń búgingi sanynda jarııalanǵan «Abaı jáne HHI ǵasyrdaǵy Qazaqstan» atty maqalasynda egemen el retinde ósip-órkendeý úshin memlekettiligimizdi nyǵaıtý kerek ekeni aıtylady.

«Zań ústemdigin jáne qoǵamdyq tártipti saqtaý barshaǵa ortaq mindet ekenin uǵynǵan jón. Halyqtyń bılikke degen qurmeti bolmasa – eldigimizge syn. Sondyqtan azamattarǵa, ásirese, jastarǵa memleketti syılaýdyń mán-mańyzyn túsindirý qajet. Osy rette taǵy da Abaıdyń murasyna zeıin qoıǵan abzal. Uly aqyn óziniń shyǵarmalarynda eldik muratty asqaqtatyp, ult birligin bıiktetti. Ol ádiletti qoǵam qurý ıdeıasyn kótergen» delingen Prezıdent maqalasynda.

Sondaı-aq maqalada Abaıdyń kózqarastary HHI ǵasyrdaǵy Qazaqstan qoǵamy jáne onyń bereke-birligi úshin asa qundy ekeni jazylǵan.

«Hakim Abaıdyń ustanymdary órkenıetti memleket qaǵıdalarymen úndesedi. Zań ústemdigi, bıliktiń ashyqtyǵy men halyq aldynda esep berýi joǵary deńgeıde bolyp, memleket isine azamattyq qoǵam ókilderi belsene aralasqan jaǵdaıda ǵana ádilettilik berik ornyǵady» dep jazdy Q.Toqaev.

Budan soń, Memleket basshysy óziniń «Halyq únine qulaq asatyn memleket» atty tujyrymdamasy dál osy ádiletti qoǵam ıdeıasyn damytý maqsatymen usynylǵanyn sóz etedi.

«Bılik pen qoǵam arasyndaǵy syndarly dıalog memleketke degen senimdi nyǵaıta túsedi. Úkimet músheleri, sonyń ishinde mınıstrler men ákimder memlekettik jáne qoǵamdyq mańyzy bar máselelerge qatysty sheshim qabyldaǵan kezde azamattardyń usynystary men tilekterin eskerýi kerek. Muny Abaı meńzegen ádiletti qoǵam qalyptastyrýdyń birden-bir sharty dep bilemin» delingen maqalada.

Sońǵy jańalyqtar

Tiri maldy satý - tıimsiz

Aımaqtar • Keshe

Uly Abaı murasy Kereký elinde

Rýhanııat • Keshe

Abaıdy taný – asyl paryz

Rýhanııat • Keshe

Uqsas jańalyqtar