Prezıdent • 09 Qańtar, 2020

Popýlızm teris tendensııa retinde dúnıejúzilik sıpat aldy - Memleket basshysy

48 retkórsetildi

Qasym-Jomart Toqaev «Egemen Qazaqstan» gazetiniń búgingi sanynda jarııalanǵan «Abaı jáne HHI ǵasyrdaǵy Qazaqstan» atty maqalasynda Abaı shyǵarmalarynda merıtokratııa máselesine aıryqsha mán berilgenin jazdy.

«Ol adamdy mártebesine qaraı emes, talaby men eńbegine qarap baǵalaǵan. Uly aqyn qazaq jastaryna jón-joba kórsetip, baǵyt-baǵdar bergen. Qazir Qazaqstanda saıası jańǵyrý úderisi júrip jatyr. Elbasynyń qoldaýymen bılikke basshylardyń jańa býyny kele bastady. Soǵan qaramastan, elimizde túbegeıli saıası ózgeris kerek degen oılar da jıi aıtylyp jatady. Biraq bul másele boıynsha ulttyq mámilege kelýdiń, memleket múmkindikterin shynaıy baǵalaýdyń jáne júktelgen mindetke jaýapkershilikpen qaraýdyń mańyzy zor» delingen Prezıdent maqalasynda.

Budan soń, Memleket basshysy ózgeris dep baıbalam salatyndar elimizdiń bolashaǵyn baıyptamaıtynyn, jaı ǵana popýlıstik ıdeıalarǵa taban tireıtinin jazady.

«Popýlızm teris tendensııa retinde dúnıejúzilik sıpat aldy. Álemniń túkpir-túkpirinde naqty strategııasy joq, tek jalań urandar arqyly bılikke jetkisi keletin toptardyń daýysy jıi estilýde. Osyndaı dańǵazaǵa qumar adamdar týraly Abaı: «Qý tilmenen qutyrtyp, Keter bir kún otyrtyp», – deıdi. Rasynda, bul – kez kelgen eldiń damýyn kenje qaldyratyn, ulttyń biregeıligin álsiretetin qaýipti úrdis» dep jazdy Q.Toqaev.

Prezıdenttiń aıtýynsha, bizge, Abaı aıtqandaı, artyq maqtanǵa salyný, ózgeni qor, ózimizdi zor sanaý, daý qýý áste jaraspaıdy. Ár qadamymyzdy anyq basyp, álemde jáne elimizde bolyp jatqan oqıǵalardy baıyppen saraptaı bilýimiz qajet.

«Turaqtylyq pen damýymyzdyń kepili bolǵan tatýlyq pen birlikti bárinen joǵary qoıǵan abzal. Memleket múddesin kózdesek, áýeli sabaqtastyq saqtalyp, tógilgen ter men atqarǵan eńbektiń dalaǵa ketpeýin oılaıyq. Osyndaı saıasat júrgizgen kezde ǵana barlyq strategııalyq maqsattarymyzǵa qol jetkizip, Qazaqstandy ozyq damyǵan memleketterdiń qataryna qosa alamyz» delingen maqalada.

Sońǵy jańalyqtar

"Jymııasyń sen nege?!"

Búgin, 01:53

Tálkekke túsken taǵdyr

Ádebıet • Keshe

Qubylys

Rýhanııat • Keshe

Karantınde konsert kórýge bolady

Rýhanııat • Keshe

Atymtaı jomarttar az emes

Qazaqstan • Keshe

Uqsas jańalyqtar