Rýhanııat • 09 Qańtar, 2020

Prezıdent: Abaıdy Qazaqstannyń brendi retinde álemge keńinen tanystyrý qajet

521 retkórsetildi

Qasym-Jomart Toqaev «Egemen Qazaqstan» gazetiniń búgingi sanynda jarııalanǵan «Abaı jáne HHI ǵasyrdaǵy Qazaqstan» atty maqalasynda Abaıdy ultymyzdyń mádenı kapıtaly retinde nasıhattaý kerek ekenin jazady.

«Abaı óziniń qara sózderinde adamzat balasyna ortaq muralardy dáripteı otyryp, rýhanı bıikke qulash sermep, alysqa qanat qaqqanyn kórsetedi. Onyń qara sózderiniń arqaýy – kisilik, mádenıet, izgilik. Hakim Abaıdyń qara sózderine balama eńbek izdesek, fransýz oıshyly Montenniń jazbalary oıǵa oralady. Desek te, Monten óz bolmysy men adam tulǵasy jóninde kóbirek oı tolǵasa, Abaı qara sózderiniń basty mıssııasy – oılaný, ózgege oı salý, maqsatty ustanymǵa aınaldyrý. Demek, uly oıshyldyń qara sózderi – asa qundy eńbek» dep jazdy Prezıdent «Abaı jáne HHI ǵasyrdaǵy Qazaqstan» maqalasynda.

Sondaı-aq Qasym-Jomart Toqaev álemdik mádenıette Abaıdy joǵary dárejede tanytý qajet ekenin jazdy.

«Dúnıe júzinde ǵylym men bilimniń túrli salalaryn damytýǵa zor úles qosyp, búkil adamzatqa ortaq oıshyl retinde tanylǵan tulǵalar barshylyq. Mysaly, Qytaı degende Lao-szy men Konfýsıı, Reseı degende Dostoevskıı men Tolstoı, Fransııa degende Volter men Rýsso birden oıǵa keledi. Sol sııaqty sheteldikterdiń bári birdeı Qazaqstan degende birden Abaıdyń esimin ataıtyndaı dárejege jetýimiz kerek. О́zge jurt «Qazaq halqy – Abaıdyń halqy» dep bizge iltıpat bildirip otyrsa, zor mártebe bolary anyq» delingen maqalada.

Prezıdenttiń aıtýynsha, eń aldymen Abaıdy ultymyzdyń mádenı kapıtaly retinde nasıhattaýymyz kerek.

«О́rkenıetti elder qazaqtyń bolmys-bitimin, mádenıeti men ádebıetin, rýhanı óresin álemdik deńgeıdegi birtýar perzentteriniń dárejesimen, tanymaldyǵymen baǵalaıtynyn umytpaıyq. Sondyqtan Abaıdy jańa Qazaqstannyń brendi retinde álem jurtshylyǵyna keńinen tanystyrý qajet. Bul – búgingi urpaqtyń qasterli boryshy», dep jazdy Q.Toqaev.

Sońǵy jańalyqtar

Tiri maldy satý - tıimsiz

Aımaqtar • Keshe

Uly Abaı murasy Kereký elinde

Rýhanııat • Keshe

Abaıdy taný – asyl paryz

Rýhanııat • Keshe

Uqsas jańalyqtar