Prezıdent • 09 Qańtar, 2020

Prezıdent Úkimetke Semeı óńirin damytý úshin tıisti sharalar qabyldaýdy tapsyrdy

1517 retkórsetildi

Qasym-Jomart Toqaev «Egemen Qazaqstan» gazetiniń búgingi sanynda jarııalanǵan «Abaı jáne HHI ǵasyrdaǵy Qazaqstan» atty maqalasynda Abaıdyń qasterli mekeni – áıgili Jıdebaıdy abattandyrý qajet ekenin jazdy.

«Mereıtoı jyly aıasynda Abaıdyń qasterli mekeni – áıgili Jıdebaıdy abattandyryp, uly aqynnyń rýhyna taǵzym etýge keletin jurtshylyqqa qolaıly jaǵdaı jasaý qajet» dep jazdy Memleket basshysy.

Sondaı-aq maqalada Shyǵys Qazaqstan oblysynyń Aqshoqy eldi mekenindegi Qunanbaı О́skenbaıuly áýletiniń qorymy abattandyrylatyny jazylǵan.

«Semeı óńiri – qazaq tarıhyndaǵy kıeli ólkeniń biri. Sondyqtan eldiń rýhanı damýynda erekshe orny bar Semeı qalasyn tarıhı ortalyq retinde belgilegen jón. Uly Abaı men Shákárimniń, Muhtar Áýezovtiń kindik qany tamǵan óńir aıryqsha qurmetke laıyq. Osyǵan oraı shahardy áleýmettik-ekonomıkalyq turǵydan keshendi túrde damytyp, ondaǵy tarıhı-mádenı nysandardy jańa talapqa saı jańǵyrtamyz. Úkimetke bul máselege baılanysty tıisti sharalar qabyldaýdy tapsyramyn» delingen Prezıdent maqalasynda.

Sonymen qatar maqalada Abaıdyń «Jıdebaı-Bórili» memlekettik tarıhı-mádenı jáne ádebı-memorıaldyq qoryq-mýzeıine erekshe kóńil bólinetini jazylǵan.

Uqsas jańalyqtar