Ekonomıka • 09 Qańtar, 2020

Aqmolada 13 ınvestısııalyq joba iske qosylady

52 retkórsetildi

Bıyl oblysta bir myńǵa jýyq jańa jumys orny ashylady dep kútilýde. Jaǵymdy jańalyqqa ınvestısııalyq jobalardyń iske qosylýy sebepshi bolyp otyr. Jobalardyń deni eksportqa baǵyttalǵan.

О́ńirde aýyl sharýashylyǵy tehnıkalaryna qyzmet kórsetýdi damytyp, balyq sharýashylyǵyn jetildirý, temir-beton qondyrǵylaryn shyǵarý tárizdi aýqymdy jumystar qolǵa alynbaq.

– 2020 jyly jalpy kólemi 65 mıllıard teńgeni quraıtyn 13 jobany iske qosý josparlanyp otyr. Onyń nátıjesinde 943 jumys orny ashylady. Olardyń ishindegi eń aýqymdylaryna toqtalsaq, bul Kókshetaýda aýyl sharýashylyǵy tehnıkalaryna qyzmet kórsetý ortalyǵy - «Eýrazııa grýpptyń» ashylýy. Investısııa kólemi 2,5 mıllıard teńgeni quraıdy. Ekinshi joba temirbeton qondyrǵylaryn shyǵarý, al úshinshisi bekire ýyldyryǵynyń óndirisi, – deıdi oblystyq Kásipkerlik jáne ónerkásip basqarmasynyń bólim jetekshisi Dıana Esimova.

Jańa ınvestısııalyq jobalardyń iske qosylýy ónimderdi satý naryǵyn qalyptastyryp, eksporttyq geografııany keńeıtýge jola ashady. Búginde Aqmola oblysynan Reseıge – 126,2 mıllıon, О́zbekstanǵa – 73,1 mıllıon, Tádjikstanǵa – 29, 1 mıllıon, Aýǵanstanǵa - 24, 9 mıllıon, Iranǵa – 24, 1 mıllıon, Qytaıǵa – 19, 8 mıllıon AQSh dollary kóleminde ónim eksporttaldy.

– Aqmola oblysynyń syrtqy saýda aınalymy 2019 jyly 771,4 mıllıon dollardy qurady, onyń 346 mıllıon dollary eksport. Bul 2018 jylmen salystyrǵanda 11 prosentke joǵary, – deıdi oblystyq Kásipkerlik jáne ónerkásip basqarmasynyń bas mamany Damır Januzaqov.  

Kásipkerlikti qoldaý baǵytynda bıyl jalpy Indýstrııalandyrý kartasyna quny 500 mıllıard teńgeni quraıtyn 107 joba  enip otyr. Búginde 88 óndiris oshaǵy iske qosyldy. Indýstrııalandyrý kartasy tolyq júzege asyrylsa, 12 myńǵa jýyq jańa jumys orny ashylady dep kútilýde.

 

Aqmola oblysy  

 

 

Sońǵy jańalyqtar

Teatrdyń onlaın tartýy

Rýhanııat • Keshe

Úı janýarynan vırýs juǵa ma?

Koronavırýs • Keshe

Aqmolada taǵy bir naýqas anyqtaldy

Koronavırýs • Keshe

Uqsas jańalyqtar