Bul bilim oshaǵynyń qoǵamdyq tamaqtandyrý bóliminde 60 bilim alýshy oqyp jatyr. Taıaýda bolashaq aspazdar úshin zamanaýı oqý zerthanasy paıdalanýǵa berildi.
– Zamanaýı oqý zerthanasy tamaq pisirýdiń san alýan qural-jabdyqpen qamtamasyz etilgen. Aldyn ala shıkizat daıyndap, ony lezde dastarhan mázirine usynýǵa bolady, – deıdi oqý-óndiristik sheberi Larısa Matrıýk.
Kolledjdiń bolashaq aspazdary oqý zerthanasynda birneshe taǵam túrlerin daıyndap, dostaryna tosyn syı jasady.
– Men osy kolledjdiń qoǵamdyq tamaqtandyrý bólimine tústim. Qazirgi kúni bul - óte qajetti mamandyq. Oqýdy tájirıbemen ushtastyryp júrmiz. Jańa oqý zerthanasyndaǵy tamaq pisirý quraldaryn ıgerip aldym, – deıdi stýdent Irına Shesternına.
Dýaldy oqytý júıesin júzege asyryp jatqan agrarlyq salanyń orta býyn mamandary ozyq tehnalogııalar arqyly bilimderin jetildire túsýde.
Sandyqtaý aýdany
Aqmola oblysy
