Senator Aralaǵash aýylyndaǵy Aralaǵash orta mektebiniń ujymymen kezdesip, Daıyndyq aýylyndaǵy «Daıyndyq» sút taýary fermasyna boldy, sol jerde aýdandyq máslıhat depýtattarymen kezdesý ótkizdi.
Kezdesý barysynda agroónerkásip keshenderin memlekettik qoldaý, áleýmettik jaýapkershilik jáne jerlerdi tıimdi paıdalaný máseleleri, «Pedagog mártebesi týraly» zańnyń negizgi erejeleri, ataýly áleýmettik kómek kórsetýdiń jańa tetikteri, kepildi áleýmettik paket, mindetti áleýmettik medısınalyq saqtandyrý máseleleri talqylandy.
Senator sapar aıasynda Petropavl qalasyndaǵy «Atameken» oblystyq kásipkerler palatasynda da boldy. Kezdesýge bıznes ókilderi, aýyl sharýashylyǵy, qurylys ındýstrııasy qurylymdary men oblystyq mekemelerdiń basshylary qatysty. Kezdesý barysynda elektr energııasynyń kóptarapty tarıfterin qaıtarý, jer daýlaryn sheshý, sýbsıdııa tólemderi boıynsha qaryzdar, aımaqty sýmen qamtamasyz etý, sharýa qojalyqtary men shaǵyn bıznes sýbektileriniń baqylaý-kassalyq mashınalaryn qoldaný qajettigi, ishki ister mınıstrliginiń kólik quraldary boıynsha derekter qoryn jańǵyrtý, shekara beketteriniń jumysy jáne taǵy basqa máseleler kóterildi.
