Tennıs • 09 Qańtar, 2020

Tennıs: Zarına Dııas shırek fınalda utyldy

26 retkórsetildi

Qazaqstandyq tennısshi Zarına Dııas Qytaıdyń Shenchjen qalasynda ótip jatqan júlde qory 750 myń AQSh dollaryn quraıtyn jarystyń shırek fınalyna deıin jetti. 

Tusaýkeser kezdesýde qytaılyq Dýan In Innen, ile-shala reseılik Anna Blınkovadan aılasyn asyrǵan jerlesimiz shırek fınalda WTA reıtınginde ózinen 40 saty joǵarǵan Garbınıa Mýgýrýsamen sheberlik baıqasty. 26 jastaǵy Ispanııa tennısshisiniń óte qarýly ekenin jankúıerler jaqsy biledi. Osydan eki-úsh jyl buryn ǵana ol álemniń birinshi raketkasy atanyp, Rolan Garros pen Ýımbldon dodalarynyń jeńimpazy atandy. Avstralııanyń ashyq birinshiliginiń shırek fınalyna deıin jetip, WTA týrnırlerinde jeti ret top jardy. 2 saǵat 8 mınýtqa sozylǵan bul báseke 6:4, 2:6, 6:4 esebimen Mýgýrýsanyń paıdasyna sheshildi.    

Esterińizge sala keteıik, ótken aptanyń aıaǵynda Zarına Dııas Gonkongta ótken týrnırde top jaryp, ITF sanatyndaǵy óziniń 10-tıtýlyna qol jetkizgen edi.

 

 

 

 

 

Uqsas jańalyqtar