Aımaqtar • 09 Qańtar, 2020

Qyzylorda: Shalǵaı aýyldar máselesi sheshimin tabady

234 retkórsetildi

Qyzylorda oblysynyń ákimi Qýanyshbek Ysqaqov Aral aýdanyndaǵy shalǵaı aýyldar men eldi mekender jaǵdaıymen tanysty. Bul týraly oblys ákiminiń baspasóz qyzmeti habarlaıdy. Aımaq basshysymen kezdesýde aýyl turǵyndary birqatar másele kóterdi. 

Aryqbalyq aýyldyq okrýgi turǵyndary sońǵy bes jylda kásipkerlik maqsatta 100 mıllıon teńgege jýyq nesıe alyp, osynyń arqasynda aýylda jumyssyzdar sany azaıǵan. Byltyr aýyl sharýashylyǵy jáne basqa bıznes salasy boıynsha 40 mıllıon teńgege deıin nesıe rásimdelgen.

Oblys ákimi ár kezdesýde turǵyndardyń usynys-pikirlerin muqııat tyńdap, tıisti atqarýshy organ jetekshilerine naqty tapsyrma berip otyrdy. Jańaqurylys aýylyndaǵy máseleniń biri – darııa arnasynan kólge tartylǵan tospalardyń iske jaramsyzdyǵy. Buǵan baılanysty aımaq basshysy másele nazarǵa alynatynyn aıtty. Eldegi ótken kezdesýlerde Amanótkel aýyly tusynda ornalasqan qalqymaly kópirdi jańartý men Qarashalań eldi mekeniniń jol máselesi de aıtyldy.  

Sondaı-aq oblys ákimi Aqespe, Mergensaı, Jaqsyqylysh, Toqabaı, Sazdy jáne Qosaman aýyldarynda bolyp, aýyl turǵyndarynyń máselesin tyńdady. Mergensaı aýyldyq okrýgine qarasty Jalańash eldi mekenindegi kezdesýde turǵyndar elde jedel járdem kóligi joqtyǵyn aıtyp, oblys basshysyna ótinishterin bildirdi. Qýanyshbek Dosmaıyluly bıyl jańa jedel járdem kóligi beriletindigin aıtyp, aýyl halqyn qýantty. 

Ákim sapary Jaqsyqylysh kentinde jalǵasty. Qazaqstannan bólek, syrt elderge tuz ónimin eksporttaıtyn Jaqsyqylyshqa bıyl gaz qubyry tartylady. Oblys ákimi osy jaǵymdy jańalyqty kent turǵyndaryna jetkizdi.

- Gaz máselesi jaqyn arada sheshiledi. Respýblıkalyq jáne oblystyq bıýdjetten kentishilik gaz qubyrlaryn júrgizýge 670 mıllıon teńgeden astam qarjy qarastyrylǵan. Kún jylyna salysymen qurylys jumystary jalǵasyn tabady. Bul atqarylyp jatqan ıgilikti istiń bári el Táýelsizdiginiń jemisi ekenin ózderińiz de bilesizder. Sondaı-aq tuz óndirýde, onyń sapasy jaǵynan bizdiń Araldyń ónimi dúnıejúzi boıynsha aldyńǵy qatarda tur. Sondaı-aq kent ishindegi joldarǵa qujattar ázirlengen, bıyl «Aýyl - el besigi» baǵdarlamasy aıasynda tıisti salalyq mınıstrlikke joba da usynyldy. Endi sol qajetti qarjyny tezirek sheshýdi jaýapty basqarma basshylyǵyna arnaıy tapsyramyn, – dedi aımaq basshysy turǵyndarmen kezdesýde. 

Taǵy bir jańalyq, Toqabaı aýylyna kire beris 2 shaqyrymnan ary joldy ortasha jóndeýge respýblıkalyq bıýdjetten 42,7 mln, al oblystan 5 mln teńge qarjy bólinip, jol bıyl jóndeletin boldy. Aımaq basshysy jaýapty basqarmaǵa jumystyń sapaly jáne ýaqytyly júrgizilýin tapsyryp, óziniń baqylaýynda bolatynyn aıtty.  

Aımaq basshysy Qaraqum, Sazdy, Qosaman, Aqespe aýyldaryna da baryp, jurtshylyqty tolǵandyrǵan máselelerdi talqylady.  

a

 

Qyzylorda oblysy

 

 

Sońǵy jańalyqtar

Elbasy Túrkııa halqyna kóńil aıtty

Qazaqstan • Búgin, 14:17

Elektiń sory – alty valentti hrom

Ekologııa • Búgin, 14:05

BQO polısııasy 440 otbasyn tekserdi

Aımaqtar • Búgin, 13:20

Túrkııada jer silkinisi boldy

Álem • Búgin, 10:14

Qyzylorda: Qazalydaǵy qonys toı

Aımaqtar • Búgin, 09:07

Uqsas jańalyqtar