Rýhanııat • 09 Qańtar, 2020

«Atamura» korporasııasy Ulttyq kitaphanaǵa 1000 kitap syıǵa tartty

86 retkórsetildi

Almatydaǵy Ulttyq kitaphananyń N.Dáýletova atyndaǵy zalynda taǵy da bir kitap kórmesi saltanat qurdy. Qalyń kópshiliktiń nazaryn aýdarǵan erekshe bezendirilgen ári túrli mazmundaǵy 1000 kitapty 2020 – Eriktiler jylyna oraı «Atamura» korporasııasy rýhanııatymyzdyń qara shańyraǵyna syıǵa tartty.

Qalamgerler, baspa ókilderi men kitaphana ujymy qatysqan jıyndy ashyp bergen Ulttyq kitaphana dırektory asa baǵaly ári qundy kitaptardy tabys etip otyrǵan «Atamura» baspasynyń basshylyǵyna alǵysyn bildire kele, aldaǵy áriptestikti nyǵaıtý máselesine toqtaldy.  

Alqaly jıyndy júrgizýdiń tizginin alǵan «Zeınolla Sánik atyndaǵy mádenıet qorynyń» atqarýshy dırektory, aqyn Serik Qalıev ıgi sharanyń maqsatyna toqtalyp, jyldyń basyn jańa  bastama, ónegeli ispen bastap,  Ulttyq kitaphana qoryna  arnaıy syı-sııapat ákelip otyrǵan «Atamura» korporasııasynyń prezıdenti Raqymǵalı Qul-Muhammedke sóz kezegin usyndy. Baspa tarıhynan az-kem málimet berip ótken Raqymǵalı Abraruly óz sózin el táýelsizdiginiń alǵashqy jyldarynda bastalǵan óndiristiń búgingi bıigi, jetken jetistikteri turǵysyndaǵy málimettermen baılanystyrdy. Búginde «Atamura» ónimderi oqýlyqtarmen qatar ensıklopedııalyq jáne balalarǵa arnalǵan basylymdar, anyqtamalyq, ǵylymı jáne ǵylymı-tanymdyq ádebıetter, sózdikter, kórkem proza men poezııa, kórnekti memleket jáne qoǵam qaıratkerleriniń eńbekteri, sondaı-aq polıgrafııalyq ónimniń barlyq túrlerimen tolyqqan.

«Atamura» korporasııasy «Atyraý», «Qaraǵandy», «Mańǵystaý», «Aqmola», «Astana» syndy aımaqtyq ensıklopedııalarmen birge belgili qazaq ǵalymdarynyń, jáne qoǵam qaıratkerleriniń eńbekterin sapaly shyǵarýy otandyq kitap mádenıetiniń iri jetistigine aınaldy. Elimizdiń tuńǵysh Prezıdenti, Elbasy N.Á. Nazarbaevtyń qazaq jáne orys tilderindegi «Ǵasyrlar toǵysynda», «Tarıh tolqynynda», «Syndarly on jyl», «Beıbitshilik kindigi», «Eýrazııa júreginde» atty kitaptary, «Atamura» kitaphanasy» serııasymen 150-dan astam aqyn-jazýshylardyń týyndylary, sonymen qatar balalar ádebıetin qoldaý, nasıhattaý maqsatynda «Atamura» mektep kitaphanasy» serııasymen búldirshinderge arnalǵan qazaq jáne orys tilderindegi kórkem bezendirilgen kitaptar, ertegiler, mektep jasyndaǵy balalarǵa arnalǵan tanymdyq kitapshalar basylyp shyqty.

«Atamura» bastaǵan ıgi iske qoldaý bildirip, júrekjardy pikirlerimen bólisken jazýshy Qabdesh Jumadilov, Dýlat Isabekov, mádenıettanýshy Murat Áýezov, t.b. kórkem ádebıettiń qoǵamdaǵy róli, qalamgerlerdiń týyndylaryn aýdarý, taratý máselesindegi ózekti jaıttardy da ortaǵa saldy.

Is-sharaǵa kitaphana oqyrmandary, zııaly qaýym men BAQ ókilderi qatysty.

 

ALMATY

 

Sońǵy jańalyqtar

Sabannan jasalǵan qalashyq

Aımaqtar • Keshe

Aýylǵa kel, jas dáriger

Aımaqtar • Keshe

Tarıh. Tulǵa. Túrkistan

Rýhanııat • Keshe

Adamdyqtyń qaınary

Rýhanııat • Keshe

Berik Ýálı: Abaı men Alash

Rýhanııat • Keshe

Elimizdiń birqatar aımaǵynda joldar jabyldy

Qazaqstan • 19 Qańtar, 2020

Baıanaýylda boranda joǵalǵandar tabyldy

Aımaqtar • 19 Qańtar, 2020

Uqsas jańalyqtar