Amerıkanyń Massachýsets shtaty turǵyndary erli-zaıypty Lında men Djozef Meıottqa Qazaqstannan asyrap alynǵan eki balany zorlaý áreketine baılanysty 26 tarmaq boıynsha aıyp taǵylyp otyr. Bul týraly «Lifenews.ru» habarlady.
Jubaılarǵa qarsy tergeý jumystary 2009 jyly bastaldy. Japa shekken balalardyń aıtýlary boıynsha, olardyń ókil ata-analary tarapynan azǵyrýshylyq áreketter qyzdyń 8, al aǵasynyń 13 jasqa tolǵan kezinen bastalypty.
Qazir 21 jasqa tolyp otyrǵan jigit 49 jastaǵy ókil anasynyń ózin tósekke tartyp, azǵyrý áreketterine baratynyn aıtady. «Men sol kezderi ne oılap, ne isterimdi bilmeı qalatynmyn. Meni qaryndasymnan ajyratyp, qaıtadan Qazaqstandaǵy jetimder úıine jiberedi dep qoryqqannan, uzaq ýaqyt bul sumdyq týraly tis jarmaı júrdim», – dep málimdedi ol 29 shildede ótken sot otyrysynyń tyńdalýynda.
Lındanyń kúıeýi 50 jasar Djozef te asyrandy qyzyn óz tósegine alyp jatyp, jábir kórsetken kórinedi. Alaıda, 2010 jyly erli-zaıyptylardy kinásiz dep tanyp, olardy 25 myń dollar kepildikpen bosatyp jibergen eken.
Úsh jyldan soń isti qaıta qaraý qolǵa alyndy. Tergeý jumystary barysynda taǵy bir sumdyqtyń beti ashyldy. Lında Meıott dúnıege ákelgen sábıdiń bıologııalyq ákesi onyń asyrap alǵan balasy bolyp shyqty.
Aıyp taǵylyp otyrǵan ata-analar ózderiniń tarapynan eshbir zorlaý áreketteri bolmaǵanyn aıtyp aqtalýda. Al olardyń qorǵaýshylary japa shekken bala óz anasyn zorlaǵan degen pikirdi alǵa tartady. Qorǵaýshylardyń aıtýyna qaraǵanda, Djozef Meıott asyrandy qyzdyń qarańǵydan qorqatynyna baılanysty ony ózimen birge alyp jatqan kórinedi.
Aıdar О́risbaev.
