Rýhanııat • 09 Qańtar, 2020

Aqylbek Kúrishbaev: Uly oıshyl eńbekterinde ǵylym men bilimge asa mán berýi - damýdyń negizi osylar ekendigin túısingendiginde

45 retkórsetildi

QR Prezıdenti qazaqtyń uly aqyny, oıshyl-fılosofy, qoǵam qaıratkeri Abaı Qunanbaevtyń 175 jyldyq mereıtoıyna arnalǵan "Abaı jáne HHI ǵasyrdaǵy Qazaqstan" atty maqalasynda Qazaqstan halqyn uly Abaıdyń muralary men eńbekterin qaıta zerdeleý, parasat-paıymyn qajetimizge jaratýǵa shaqyra otyryp, qazaq qoǵamyn damytýdyń aldaǵy júzjyldyqtaǵy mańyzdy basymdyqtaryn aıqyndap berdi.

Ulan-ǵaıyr jer men baı tabıǵı resýrstardy ıelengen Qazaqstan damýdyń jarqyn bolashaǵyna ıe. Biraq ony ıgerý úshin elimizge sapaly damyǵan adam kapıtaly qajet. Bul jóninde kezinde Abaı dóp basyp aıtqan. Qoǵamnyń ıntellektýaldy qýatyn qalyptastyrý men arttyrý, adam kapıtaly ıdeıasyn damytýdy Prezıdenttiń óz maqalasyna arqaý etip alýy kezdeısoqtyq emes. Uly oıshyl eńbekterinde ǵylym men bilimge asa mán berýi - damýdyń negizi osylar ekendigin túısingendiginde. Osyny uǵyna otyryp bizdiń Prezıdentimiz Q.K.Toqaev bilim júıesin modernızasııalaý reformasyn qolǵa aldy.

Búginde bul tek sóz júzinde ǵana emes, naqty qadamdarǵa, ulttyq bilim berý isi men otandyq ǵylymdy qoldaý men damytýǵa baǵyttalǵan shynaıy baǵdarlamalardyń júzege asýyna sep bolyp otyr. Nátıjesinde ótken jyly bakalavrıat pen magıstratýraǵa bólinetin memlekettik granttyń úlesi artsa, onyń ishinde tehnıkalyq, agrarlyq jáne aqparattyq tehnologııalar mamandyǵyna granttar sany kóbeıdi. Bıylǵy oqý jylynan bastap bólingen memlekettik garanttyń quny 349-dan 778 myń teńgege deıin ósti, óz kezeginde bul JOO-nyń materıaldyq bazasynyń jaqsarýyna jáne kadrlardy daıyndaý sapasynyń joǵarlaýyna ákeldi. 2025 jyly memleket ǵylymı zertteýlerdi qarjylandyrýdy 10 esege arttyrýdy kózdep otyr!

Nátıjesinde otandyq ǵalymdardyń ǵylymmen alańsyz aınalysýyna jáne elimizde biliktiligi joǵary kadrlardy daıyndaýǵa dańǵyl jol ashylatyny sózsiz.

Zamanaýı jastar búgingi ozyq bilimdi ıgerýi tıis, memleket pen Prezıdentimiz berip otyrǵan ońtaıly sátti ýysynan shyǵarmaǵany abzal. Uly oıshyldyń rýhanı murasyn búgingi kúnniń tarıhı shyndyǵy turǵysynan boıyna sińire otyryp jastarymyz el ekonomıkasynyń damýyna, bolashaǵyna qyzmet jasaryn uǵynýy tıis. Sonda ǵana Abaıdyń adam men qoǵam, bilim men ǵylym, memleket pen úkimet jónindegi naqyl sózderi men ıdeıalary óziniń mańyzyn, ózektiligin qaı dáýirde de joımaıtyndyǵyn senimmen aıta alamyz. 

 

Aqylbek KÚRIShBAEV,
aýyl sharýashylyǵy ǵylymdarynyń doktory, professor,
«S.Seıfýllın atyndaǵy Qazaq agrotehnıkalyq ýnıversıteti» AQ Basqarma tóraǵasy

 

 

 

Sońǵy jańalyqtar

Reseıde altyn qory azaıyp keledi

Ekonomıka • Búgin, 20:25

Túrkistan: Kenege qarsy kúres bastaldy

Aımaqtar • Búgin, 17:03

Ulttyq kınodaǵy karantın

Aımaqtar • Búgin, 16:56

Dúkenderdiń jumys kestesi belgilendi

Aımaqtar • Búgin, 16:55

Aqtaý qalasy karantınge jabylǵan joq

Aımaqtar • Búgin, 16:31

Ulttyq tanymnyń ózegi – tarıhı sana

Rýhanııat • Búgin, 14:51

Uqsas jańalyqtar