Rýhanııat • 09 Qańtar, 2020

Búrkitbaı Aıaǵan: Abaıdy álemge tanytý úshin aýdarma isine mán berý kerek

151 retkórsetildi

Tarıh ǵylymdarynyń doktory, professor, Bilim jáne ǵylym mınıstrligi Ǵylym komıteti Memleket tarıhy ınstıtýtynyń dırektory Búrkitbaı Ǵelmanuly Aıaǵan Memleket basshysy Qasym-Jomart Toqaevtyń «Egemen Qazaqstan» gazetinde jarııalanǵan «Abaı jáne HHI ǵasyrdaǵy Qazaqstan» atty maqalasyna qatysty pikir bildirdi.

Memleket basshysy hakim Abaıdy búgingi kúnmen, qazirgi qazaqtarmen qabystyra, onyń árbir oıyn úlgi etipti. Áýeli ulttyq bolmystyń úlgisi dep ulttyq muralarymyzdy búgingi oń úrdistermen úılestire damytýdy kózdeıtin qubylys dep qaraıdy.

«Bul rette biz Abaıdy aınalyp óte almaımyz. Sebebi uly oıshyl osydan bir ǵasyrdan astam ýaqyt buryn ultty jańǵyrýǵa, jańarýǵa, jańa ómirge beıim bolýǵa shaqyrǵan. «Ǵylym tappaı maqtanba» dep, bilimdi ıgermeıinshe, bıikterdiń baǵyna qoımaıtynyn aıtty. Ol «Biz ǵylymdy satyp mal izdemek emespiz» dep tujyrymdap, kerisinshe, el dáýletti bolýy úshin ǵylymdy ıgerý keregine nazar aýdardy. Uly Abaıdyń «Paıda oılama, ar oıla, Talap qyl artyq bilýge» degen ónegeli ósıetin de osy turǵydan uǵynýymyz qajet. Ol úshin til úırenýge tıispiz. Aqyn el-jurtyn túrli ónerdi ıgerýge úgittedi. Sonyń bári ýaqyttyń talaby ekenin ol anyq ańǵaryp, ultyna erterek ún qatty. Tipti qazir aıtyp júrgen ıntellektýaldy ult qalyptastyrý ıdeıasy Abaıdan bastaý aldy deýge bolady. Uly oıshyl ár sózimen ulttyń óresin ósirýdi kózdedi» dedi professor.

«Sonymen qatar Ádilettilik birkelki emes jáne ádilettilik degen buryńǵy bolshevızmge, sovet zamanyna qaıtý emes. Ádilettilik úsh baılyq, halyqqa ádiletti bolý, kóp balaly analarǵa kómek kórsetý, jaǵdaıy aýyr azamattarǵa memlekettik kómek kórsetý, mine osyny Abaı nasıhattaǵan» dedi Búrkitbaı Aıaǵan.

«Abaıdy biz qalaı dáriptesek te jarasady. Biz Abaıdy aıtqan sózin iske asyrýymyz kerek, soǵan umtylýymyz kerek. Dál osy máselege Prezıdent nazar aýdarýǵa shaqyrady. Abaıdy álemge tanytý, nasıhattaý úshin aýdarma isine de mán berý kerek. Odan bólek Abaı ortalyqtaryn qurý, onyń arasynda Semeı qalasyn tarıhı ortalyq retinde belgilep, 1918 jyly Semeı qalasynda Muhtar Áýezov pen Júsipbek Aımaýytov negizin qalaǵan «Abaı» jýrnalyn qaıtadan jandandyrý máselesin qolǵa alý kerek» dep túıindedi ol.

Sońǵy jańalyqtar

Nur-Sultanda qar kúni atap ótiledi

Qoǵam • Búgin, 10:12

18 qańtarǵa arnalǵan aýa-raıy boljamy

Qazaqstan • Búgin, 09:58

Almaty jasyl qalaǵa aınalady

Ekologııa • Keshe

Bulandydaǵy berekeli is

Aımaqtar • Keshe

Mal baqqanǵa bitedi...

Aımaqtar • Keshe

Tekeli – eńbekshiler mekeni

Aımaqtar • Keshe

Jer ıesin tapsa ıgi

Aımaqtar • Keshe

Ǵasyrlarǵa ulasar uly tuǵyr

Rýhanııat • Keshe

«Ádilet, shapqat kimde bar...»

Rýhanııat • Keshe

Uqsas jańalyqtar