Rýhanııat • 09 Qańtar, 2020

Gaýhar Aldambergenova: Prezıdent maqalasy ult rýhanııatyn jańa deńgeıge kóteredi

167 retkórsetildi

Qazaqstan Respýblıkasynyń Prezıdenti Qasym-Jomart Toqaevtyń «Abaı jáne XXI ǵasyrdaǵy Qazaqstan» atty maqalasy ult ádebıeti men mádenıetin jańa deńgeıge kóterýge yqpal etedi deıdi Qazaq ulttyq qyzdar pedagogıkalyq ýnıversıtetiniń rektory, pedagogıka ǵylymdarynyń doktory, professor Gaýhar Aldambergenova.

«Memleket basshysynyń ultymyzdyń uly aqyny, aǵartýshy Abaı Qunanbaıuly týraly elimizdiń bas basylymy «Egemen Qazaqstan» gazetinde jarııalanǵan maqalasymen tanystym. Maqalada hakimniń mereıtoıyn joǵary deńgeıde atap ótýdiń baǵyttary men tetikteri aıqyn kórsetilgen. Prezıdent josparlanǵan sharalardyń barlyǵy «toı toılaý úshin emes, oı-órisimizdi keńeıtip, rýhanı turǵydan damýymyz úshin ótkizilmek» ekenin erekshe atap ótken. Rasynda da, dara, dana Abaıdyń toıy oıdyń toıy bolýy qajet. Uly Abaıdyń toıy taǵylymnyń toıy bolýy tıis», – deıdi Qyzdar ýnıversıtetiniń rektory.

Sonymen qatar Gaýhar Aldambergenova ulttyq sanany jańǵyrtýdaǵy Prezıdent maqalasynyń yqpaly jaıynda aıtty.

«Meniń paıymdaýymsha, Qasym-Jomart Kemelulynyń maqalasy Elbasy Nursultan Ábishuly Nazarbaevtyń «Bolashaqqa baǵdar: rýhanı jańǵyrý» atty maqalasynyń jalǵasy ispettes. Qazaqstannyń Tuńǵysh Prezıdenti baǵdarlamalyq maqalasynda qoǵamdyq sanany qaıta túletýdiń mańyzdylyǵy týraly aıtqan bolatyn. Búginde ulttyq sanany saqtaý jáne ony zaman talabyna beıimdeý memlekettik mańyzy bar máselege aınaldy. Sanany jańǵyrtýǵa Abaıdyń ómirsheń shyǵarmalary zor yqpal etedi. Bul týraly maqalada egjeı-tegjeıli jazylǵan. «Uly aqynnyń shyǵarmalary bú­gin de ózektiligin joǵaltqan joq. Abaı­dyń oı-tujyrymdary barsha­myzǵa qashanda rýhanı azyq bola alady. Sondyqtan ultymyzdy jańǵyr­tý isinde onyń eńbekterin basshy­lyqqa alyp, utymdy paıdalaný jaıyn taǵy bir márte oı eleginen ótkizgen jón» dep atap ótti Prezıdent. Shyndyǵynda da «Adamzattyń Abaıy» atanǵan aqynnyń ádebı murasy búgingi kúnde de, bolashaqta da óziniń máni men mańyzyn joımaıdy. Ol – ultymyzdyń rýhanı jańǵyrý jolyndaǵy temirqazyǵy hám shamshyraǵy ispetti», – dedi óz sózinde Gaýhar Tóremuratqyzy.

Ýnıversıtet basshysynyń aıtýynsha, búginde qazaq qyzdarynyń parasat mektebine aınalǵan Qyzdar ýnıversıtetinde Abaı Qunanbaıulynyń 175 jyldyǵyna arnalǵan daıyndyq jumystary bastalyp ketken. Hakimniń mereıtoıyna oraı oqý ornynda «О́leń – sózdiń patshasy...» atty respýblıkalyq jas aqyndar aıtysy ótedi. Sharaǵa elimizdiń joǵary oqý oryndarynyń stýdentteri qatysady. Aıtys barysynda aqyndar «Abaı – dana, Abaı – dara», «Rýhanı jańǵyrý – basty baǵdar», «Týǵan jer turǵan jermen ólshenbeıdi», «Ana tilim – ardaǵym», «Táýelsizdik – tuǵyrym» taqyryptary boıynsha sóz jarystyrady.

«Bir bul ǵana emes, byltyrǵy oqý jylynan bastap ýnıversıtette «Abaıtaný» kýrsy engizildi. Búginde stýdentterge abaıtanýdyń bastaýlary, aqynnyń ómiri men shyǵarmashylyq joly oqytylýda. Bolashaq pedagogtar kýrs barysynda abaıtaný máseleleriniń damý baǵyttarymen, onyń aqyndyq mektebimen jáne hakimniń «Tolyq adam» fılosofııasymen tanysady. Osy oraıda Qyzdar ýnıversıtetiniń professory, fılologııa ǵylymdarynyń doktory Rýda Zaıkenovanyń «Abaıtaný» atty oqýlyǵy da jaryq kórdi», – dep atap ótti pedagogıkalyq oqý ornynyń basshysy.

 

Gaýhar ALDAMBERGENOVA,

Qazaq ulttyq qyzdar pedagogıkalyq ýnıversıtetiniń rektory, pedagogıka ǵylymdarynyń doktory,

professor

Sońǵy jańalyqtar

Nur-Sultanda qar kúni atap ótiledi

Qoǵam • Búgin, 10:12

18 qańtarǵa arnalǵan aýa-raıy boljamy

Qazaqstan • Búgin, 09:58

Almaty jasyl qalaǵa aınalady

Ekologııa • Keshe

Bulandydaǵy berekeli is

Aımaqtar • Keshe

Mal baqqanǵa bitedi...

Aımaqtar • Keshe

Tekeli – eńbekshiler mekeni

Aımaqtar • Keshe

Jer ıesin tapsa ıgi

Aımaqtar • Keshe

Ǵasyrlarǵa ulasar uly tuǵyr

Rýhanııat • Keshe

«Ádilet, shapqat kimde bar...»

Rýhanııat • Keshe

Uqsas jańalyqtar