Aımaqtar • 09 Qańtar, 2020

Qyzyljarda «qyzyq qýǵandar» quryqtaldy

55 retkórsetildi

«Áı der aja, qoı der qoja joqtyń» aqyry Petropavl kóshelerinde úrlemeli matrasty mashınaǵa tirkep alyp syrǵanaýǵa jetkizdi. 7 qańtar kúni shekten shyǵa qutyrǵan 19 ben 20 jastaǵy eserler toby qala kósheleriniń qaq ortasynda mashınaǵa tirkelgen matrastyń ústinde aýyzdaryna kelgenin aıǵaılap, kóshe tártibin buzyp, basqa kólikterge soǵyla jazdap, jol apaty qaýpin týǵyzǵan. Eserlerdiń ábden shekten shyqqany sondaı, matrastyń ústine mýzyka da ornatyp, ony barynsha aıǵaılatyp, ádepsiz sózderdi de qarsha boratqan, onymen de qoımaı túrli-tústi boıaýlardy jan-jaǵyna shashqan.

Qutyrǵan top jergilikti polısııa qyzmetkerleriniń kúshimen ǵana quryqtalyp, turǵyndardyń mazasyn alýyn toqtatqan. Endi olardyń ústinen Ákimshilik quqyq buzýshylyq týraly Kodekstiń 434-babyndaǵy «Usaq buzaqylyq» jáne 593-baptyń 2-bóligindegi «Jol júrisi qaǵıdalarynda kózdelgen jolaýshylardy jáne júkterdi tasymaldaý» jáne «Jol qozǵalysy erejeleriniń basqa da óreskel buzýshylyqtary» boıynsha jaýapqa tartylyp, qozǵalǵan is sotqa jiberildi.

Esirgennen qutyrǵan jaman degenniń bir kórinisi osyndaı-aq bolar.

Qutyrǵandardyń biri Reseı Federasııasynyń azamaty kórinedi. О́zimizdiń jastardyń kez kelgen qylyǵyna qoqańdap, tolyp júretin polısııa qyzmetkerleri olardyń bul isin nege der kezinde tyıa almaǵanyna tańǵalasyń.

Aıta ketetin jaıt, byltyr oblys joldarynda 30 adam qaıtys bolǵan. Bar-joǵy bes júz myńnan sál artyq halqy bar oblys úshin óte kóp. Bul da sol, esirgen júrgizýshilerdi óz ýaqytynda quryqtap, qutyrýyna jol bere almaǵandyqtyń saldary ekendigi sózsiz. Sondyqtan Qyzyljar óńiriniń polısııa qyzmetkerlerine tártip qyraǵylyǵyn jandandyra túsý kerektigi kózge uryp tur.

 

PETROPAVL

 

 

 

Sońǵy jańalyqtar

Reseıde altyn qory azaıyp keledi

Ekonomıka • Búgin, 20:25

Túrkistan: Kenege qarsy kúres bastaldy

Aımaqtar • Búgin, 17:03

Ulttyq kınodaǵy karantın

Aımaqtar • Búgin, 16:56

Dúkenderdiń jumys kestesi belgilendi

Aımaqtar • Búgin, 16:55

Aqtaý qalasy karantınge jabylǵan joq

Aımaqtar • Búgin, 16:31

Ulttyq tanymnyń ózegi – tarıhı sana

Rýhanııat • Búgin, 14:51

Uqsas jańalyqtar