Qoǵam • 09 Qańtar, 2020

Almatyda byltyr alty myńnan astam adam ishimdikten ýlanyp, eki myńy aýrýhanada emdeldi

47 retkórsetildi

Búgin Almatyda «Qazaqstannyń tutynýshylar lıgasy» qaýymdastyǵy» ZTB zańsyz alkogoldik ishimdikterge qarsy júrgizilgen aýqymdy aksııaǵa baılanysty baspasóz máslıhatyn ótkizdi.

Dúnıejúzilik densaýlyq saqtaý uıymynyń málimeti boıynsha, jyl saıyn alkogoldiń áserinen 3 mıllıonnan astam adam qaıtys bolady. Jer sharyndaǵy árbir 20 adam ishimdiktiń kesirinen qaıtys bolady, olardyń 75% er adamdar. Maskúnemdikten bolǵan ólimniń tórtten bir bóligi jazataıym oqıǵalardan, janjaldardan jáne óz-ózine qol jumsaýǵa baılanysty jaraqattardan, al tórtten biri – asqazan-ishek joldarynyń aýrýlary, 19% – júrek aýrýlary, qalǵany – juqpaly aýrýlar, rak aýrýlary jáne psıhıkalyq buzylýlar.

BUU málimeti boıynsha, alkogolden bolatyn ólim-jitim deńgeıi joǵary elderdiń arasynda Qazaqstan 10 orynda. Máselen, Almatyda 2019 jyly alty myńnan astam adam alkogolden ýlanyp, onyń eki myńy aýrýhanaǵa jatqyzyldy. 23 ólim oqıǵasy tirkeldi.

Bul málimetterdi Taýarlar men qyzmetterdiń sapasy men qaýipsizdigin baqylaý departamentinde ótken brıfıngte bólim basshysy Aızat Moldaǵasımova málimdedi.

Endigi jerde Qazaqstan Respýblıkasy Úkimetiniń 2018 jylǵy 29 jeltoqsandaǵy № 921 qaýlysymen bekitilgen «Kóleńkeli ekonomıkaǵa qarsy is-qımyldyń 2019-2021 jyldarǵa arnalǵan is-sharalar josparyna» sáıkes «QTLQ» ZTB alkogol ónimderin zańsyz anyqtaý boıynsha keń kólemdi aksııa ótkizedi.

Sonymen, 2019 jyly Qazaqstan Respýblıkasynyń ártúrli qalalarynda turatyn azamattardan «Qazaqstannyń tutynýshylar lıgasy» qaýymdastyǵyna» jalǵan alkogoldi ishimdikterdi satýǵa shaǵymdanǵan habarlar kelip túsken. О́tinishterde Wipon baǵdarlamasy arqyly aksızdik markany teksergen kezde ol Memlekettik kirister komıtetiniń derekter bazasynda joq ekendigi, alaıda aksızdik markalardyń serııasy men nómirin qolmen engizgen kezde ónimder málimetter bazasynda kórsetiletini habarlanǵan (aksızdik markany berý tártibi týraly memlekettik kirister departamentine suraq jiberildi). Osyǵan baılanysty óndirýshiler aksızdik markalardy kóbeıtedi dep boljaýǵa ábden bolady, sondyqtan olar óndiristiń naqty kólemin jasyrady. Aksııa barysynda alkogoldi ishimdikterdi satatyn dúkender birqatar buzýshylyqtardy anyqtalǵan.

«Qazaqstannyń tutynýshylar lıgasy» qaýymdastyǵy» ZTB Qazaqstan Respýblıkasynyń aýmaǵynda usynylatyn ónimderdiń, jumystardyń jáne qyzmetterdiń sapasyna qoǵamdyq baqylaý júrgizetin kommersııalyq emes, úkimettik emes uıym. 28 jyldan beri QTLQ eldegi tutynýshylardyń quqyǵyn qorǵap keledi. Olardyń qatarynda 60 111 adam, onyń ishinde 28 myń erikti bar. 28 jylda Qazaqstan tutynýshylar lıgasy tutynýshylarǵa 1 860 906 888 teńge kóleminde materıaldyq jáne moraldyq zııandy óteýge kómektesti. QTLQ tutynýshylar men kásipkerler arasyndaǵy qaıshylyqtardyń aldyn alýǵa jáne qaýipsizdikti arttyrýǵa, Qazaqstan halqynyń ómir súrý sapasyn jaqsartýǵa kómektesedi.

 

ALMATY

Uqsas jańalyqtar