Qazaqstan • 09 Qańtar, 2020

Ushaq apatyna baılanysty Úkimettik komıssııa málimdeme jasaıdy

61 retkórsetildi

Erteń Prezıdent janyndaǵy Ortalyq kommýnıkasııalar qyzmetiniń alańynda BekAir áýekompanııasy ushaǵynyń apatqa ushyraý sebepterin anyqtaý boıynsha úkimettik komıssııa jumysynyń aldyn ala boljamy jarııalanady. Bul týraly ortcom.kz habarlady.

«10 qańtar kúni saǵat 15:00-de QR Prezıdenti janyndaǵy Ortalyq kommýnıkasııalar qyzmetiniń alańynda Almaty oblysyndaǵy BekAir áýekompanııasy ushaǵynyń apaty sebepterin anyqtaý boıynsha úkimettik komıssııa jumysynyń aldyn ala boljamy boıynsha málimdeme jasalady» delingen habarlamada.

Premer-Mınıstrdiń orynbasary Roman Sklıar; Indýstrııa jáne ınfraqurylymdyq damý vıse-mınıstri Berik Kamalıev ; Memleketaralyq avıasııalyq komıtettiń bas dırektory Vıktor Sorochenko baıandama jasaıtyn bolady.

Eske sala ketsek, 2019 jyldyń 27 jeltoqsanynda Almatydan Nur-Sultanǵa ushyp shyqqan BekAir kompanııasynyń ushaǵy radardan joǵalyp ketti. Keıin 95 jolaýshysy jáne 5 ekıpaj múshesi bar ushaqtyń apatqa ushyraǵany belgili boldy. Premer-Mınıstr Asqar Mamınniń tóraǵalyǵymen ushaq apatynyń sebepterin tergeý boıynsha Úkimettik komıssııanyń otyrysy ótti. Oqıǵanyń mán-jaıyn anyqtaý úshin ushaq qulaǵan aýmaqqa arnaıy komıssııa jiberilgen bolatyn.  

 

Uqsas jańalyqtar