Tehnologııa • 10 Qańtar, 2020

SANA Cards – otandyq ónim

103 retkórsetildi

VR jáne AR – joǵary tehnologııalyq damýy bar elderde trendke aınalǵaly biraz boldy. ­Al Qazaqstanda bul tehnologııalarǵa degen suranys sońǵy jyldary ǵana ósip keledi. Otan­dastarymyzdyń vırtýaldy ónimderi men jobalaryn usynyp, elde otandyq jańa tehnologııa dáýirin bastaýǵa múmkindik berýi óte qýantarlyq jaǵdaı bolyp esepteledi.

Máselen, Súleımen Demırel ýnıversıteti túlekteri birigip 2017 jyldyń jeltoqsanynda AR 1 jumysyn jasaı bastady. Komanda birneshe mamandardan quralady. Olar – Arman Ýsýpov, 2D jáne 3D anımator; Baqytjan Shabdýkarımov, 3D-modeler; IT ázirleýshisi Nurbek Moldaǵalıev jáne ónim menedjeri Nursultan Ájimuratov. Talmaı eńbek etý men bilimge degen qushtarlyqtyń nátıjesinde Sana Cards atty kartalar dúnıege keldi.

Sana Cards – bul smartfondar úshin keńeıtilgen qosymsha, onyń negizgi mindeti balalarǵa oıyn úıretý. Joba eki kezeńde júzege asyryldy: fızıkalyq kartalardy daıyndaý jáne Android jáne iOS úshin qosymshalar ázirleý. Osylaısha osy qosymshalardyń kómegimen bala janýarlar men ósimdikterdiń anımasııalyq jáne daýysty 3D modelderin kóre alady jáne olar týraly qyzyqty faktilerdi aýdıo baıandaý arqyly bile alady.

Sana Cards jobasynyń maqsaty – ata-analarǵa, balalarǵa jańa tilderdi jáne jalpy bilimdi yńǵaıly túrde úıretý. Qazirgi tańda, balalardyń oqý prosesi, bilimdi qabyldaý mádenıeti jańasha jáne 10 jyl burynǵy býynmen salystyrýǵa kelmeıdi. Sondyqtan tehnologııadaǵy jańashyldyqtardy paıdalaný, olardy qyzyqtyrýdyń bas­ty qozǵaýshysy dese de bolady. Sensorlyq jattyǵýlar men qol jattyǵýlary oqýda fenomenaldy jetistikterge jetýge yqpal etedi.

Janýar 4D – «Qazaqstanda jasalǵan» saýda markasy­men shyǵatyn 100% otandyq ónim. Bul keńeıtilgen qosymshany paıdalanatyn balalarǵa arnalǵan bilim kartalary. AR tehnologııasynyń kómegimen qyzyqsyz paraqtar jańasha kelbetke ıe bolyp, ondaǵy janýarlar tiriledi, balalar janýarlarmen tipti dıalogqa da túse alady jáne materıaldyń mánin túsiný ońaıǵa soǵady. Daıyndaýshylardyń pikirinshe, Augmented Reality áserinen (beınege naqty ýaqyt rejiminde 3D grafıkasyn engizý) oqý prosesi óte qyzyqty júredi.

– Ata-analar Sana Card kartalaryn jergilikti oıyn­shyq­tar men kitap dúkenderinen satyp ala alady. Qorap ósimdikter men janýarlary bar 40 kartochkanyń jıyntyǵynan turady. Sonymen qatar qoraptyń ishinde qosymshany ornatýǵa arnalǵan nusqaýlyq bar. Qosymsha 3 tilde qazaqsha, oryssha, aǵylshynsha jumys isteıdi. Ata-analardyń pikirlerinshe, balalardyń janýarlardy zertteýdegi qyzyǵýshylyǵy arta túsken jáne til úırenýdegi jetistikteri de kóz qýantarlyq. Bul nátıjeler bizdi osy jobany qoldaýǵa jáne ony odan ári damytýǵa shabyttandyrady, deıdi Arman Ýsýpov.

Intellektýaldy jobany tolyǵymen damytý úshin startap músheleri Janýar 4D jobasyn alty aıda, al Baqsha 4D qosymshasyn úsh aıda jasap shyqty. Bul jumystarǵa, Nursultan Ájimuratovtyń aıtýynsha, 3 mıllıon teńge jeke qarajat jumsaldy.

Sondaı-aq 2017 jyldyń aqpan aıynda jobanyń negizin qalaýshylar Nursultan Ájimuratov pen Azamat Tólegenov 8-14 jas aralyǵyndaǵy balalarǵa arnalǵan alǵashqy IT akademııasyn ashqan bolatyn, onyń negizinde balalar robottehnıka, baǵdarlamalaý, grafıkalyq dızaın, beıneni óńdeý, anımasııa jasaý baǵyttary boıynsha jan-jaqty kompıýterlik bilim alady. IT-akademııasynyń jas zertteýshileri robottardyń 12 túrin, 30 erekshe oıyn túrlerin oılap tapty, 600-den astam beınerolıkterdi óńdedi.

Komandanyń jaqyn ýaqyttaǵy jospary balalardyń zeıinin damytý úshin úsh tilde túrli taqyryptaǵy «Jemister men kókónister», «Kosmos», «Qazaq salt-dástúrleri» atty birneshe mobıldi qosymsha qurý. Sonymen qatar ishki týrızmdi nasıhattaý maqsatynda «Vırtýaldy kıiz úı» jobasyn iske qosýdy josparlap otyr. Jobanyń tujyrymdamasy boıynsha kez kelgen adam bólmege kirip, arnaıy VR kózildirigin kıip, ózderin XVII-XVIII ǵasyrlardaǵy qazaqtyń kıiz úıinde júrgendeı sezine alady.

Sońǵy jańalyqtar

Nur-Sultanda qar kúni atap ótiledi

Qoǵam • Búgin, 10:12

18 qańtarǵa arnalǵan aýa-raıy boljamy

Qazaqstan • Búgin, 09:58

Almaty jasyl qalaǵa aınalady

Ekologııa • Keshe

Bulandydaǵy berekeli is

Aımaqtar • Keshe

Mal baqqanǵa bitedi...

Aımaqtar • Keshe

Tekeli – eńbekshiler mekeni

Aımaqtar • Keshe

Jer ıesin tapsa ıgi

Aımaqtar • Keshe

Ǵasyrlarǵa ulasar uly tuǵyr

Rýhanııat • Keshe

«Ádilet, shapqat kimde bar...»

Rýhanııat • Keshe

Uqsas jańalyqtar