Aımaqtar • 10 Qańtar, 2020

Qasqa joldaǵy Qarabalyq kempıngi aýyldaǵylarǵa jumys berip otyr

35 retkórsetildi

Qazir Qarabalyq aýdanyn tek Qazaqstan emes, odan tysqary jerler de bilip qaldy desek, artyq kete qoımaspyz. Osydan baqandaı bes jyl buryn boı kótergen kempıng sonaý Alataýdan bastalyp, Arqany basyp ótip, Reseıdiń ishki jaǵyna deıin sozylatyn Almaty – Ekaterınbýrg tas jolymen júretin jolaýshylardyń esine aldymen Qarabalyqty túsiredi.

Sebebi osy tas joldyń bo­ıyn­­da ornalasqan kempıngke Al­ma­tydan da, Ekaterınbýrgten de jol­soqty bolyp kele jatqan jo­laý­­shynyń toqtamaıtyny kem­de-kem dese bolady. Kempıngtiń aýla­syna qatar-qatar toqtaǵan júk mashınalary, jeńil kólikter ıin tiresedi.

– Joldyń qıyndyǵyn jolaý­shydan artyq kimnen suraısyz? Myna júk mashınalarynyń júr­gizýshileri munda jýynyp, ystyq tamaq iship alý úshin toq­taı­dy. Qolaısyzdaý bolsa da aıta­ıyn, jol boıynda jylytylǵan dárethananyń bolmaýy da jolaýshy úshin sheshimin tappaı kele jatqan sharýa ǵoı. Al bizde táýligine myń jarym, jol jabyq kezde eki myńnyń syrtynda jolaýshy toqtaıdy. Dárethana men dýsh úshin aıyna bir myń tekshe metr sý ketedi. Dárethana taza­lyǵyn birneshe tehnıkalyq qyzmetkerler kún-túni kezekpen qadaǵalaıdy. Tushy sýdyń qym­battyǵy óz aldyna, – deıdi kem­pıngtiń ıesi Marat Aıtqazın.

Rasynda, Marat Nurǵalı­uly­nyń sózine eshqandaı alyp-qosý­dyń qajeti joq. Bul jo­laý­shy­nyń barlyǵyna da bel­g­ili jol qıyndyǵynyń biri. Jel­toqsan aıy­nyń bas kezinde Qos­tanaı óńi­rinde táýlikke jýyq kózge túrt­se kórgisiz boran soqty. Az ýaqytta aınalany qar basyp qaldy da, jol polısııasy bar­lyq baǵyttaǵy joldardy jaýyp tastady. Sol kúni Qara­ba­lyq kempınginiń aldyna toq­taǵan úlken júk jáne jeńil kólik­terdiń sanynda esep bolǵan joq. Syımaǵan kólikter uzynnan uzaq joldyń shetine toqtap, júrgizýshi, jolaýshylar kempıngke kelip, ystyq tamaq iship, jýynyp-shaıynyp, boran basylǵansha demaldy.

Ashana, dúken, avto­kólikti saqtandyrý beketi sııaq­ty jolaý­shy qajetin óteıtin qyz­mettiń barlyǵy bar. Keń jolaqty ınternet te istep tur.

Elbasy Nursultan Nazarbaev 2014 jyly Qazaqstan halqyna jol­daǵan «Qazaqstan joly – 2050: Bir maqsat, bir múdde, bir bola­shaq» atty Joldaýynda «kólik ınfraqurylymy – ın­dýs­trııalyq ekonomıka men qoǵa­my­myzdyń tamyryna qan júgir­tetin júıe» ekenin aıta otyryp, «logıstıkalyq qyzmet kórsetý sek­toryn damytý qajettigin» min­­dettegen bolatyn. Kásip­ker­diń 90-jyldary toqtap, qań­qa­sy qaraýsyz turǵan sút zaýyty ǵı­ma­ratynyń jańasha túrlen­dirýine Elbasynyń osy Joldaýy túrtki bolypty.

Qarabalyq kempıngi jo­laý­shylarǵa qyzmet kórsetýdi zamanaýı deńgeıge kótergen. «Teatr kıim ilgishten bastalady» degendeı, kempıngke kire beriste-aq kelgen kisi tańdanyp qaraıtyn jaǵdaıdyń barlyǵy jasalǵan. Eń bastysy, jolsoqty jolaýshy kempıngke kire bergennen shybyn taıyp jyǵylatyn tazalyq onyń bo­ıyn sergitip sala beredi.

«Men jumys babymen jolda kóp júremin. Qazaqstan­nyń ózge óńirinen dál mundaı kempıng kezdestirgen emespin. Ja­tar ornyń taza, tamaǵy dámdi, ishi sándi. Jol boıyn­da osyndaı kempıngter kóbeı­ge­nin qalaımyn» dep jazady kempıngtiń pikir qaldyrý kita­byna Muhammed degen jolaýshy. «Biz Samaradan kele jatyr­myz. Kempınge kir­gende ózimiz­di Eýropada júr­gen­deı sezin­dik. Shynymyzdy aıt­saq, mun­daǵy qyzmet kór­setý­diń kásibı bili­giniń joǵary­ly­ǵy tań­­ǵal­dyrdy», dep jazady Natalıa men Iаroslav Gremýhınder.

 

 

 

Qostanaı oblysy,

Qarabalyq aýdany

 

Sońǵy jańalyqtar

Teatrdyń onlaın tartýy

Rýhanııat • Keshe

Úı janýarynan vırýs juǵa ma?

Koronavırýs • Keshe

Aqmolada taǵy bir naýqas anyqtaldy

Koronavırýs • Keshe

Uqsas jańalyqtar