Úkimet • 10 Qańtar, 2020

Qazaqstanda halyqty nátıjeli jumyspen qamtý mehanızmderi jetildirildi

45 retkórsetildi

2020 jylǵy 1 qańtardan bastap jumyspen qamtýǵa járdemdesý mehanızmderin jetildirý úshin Memleket basshysynyń tapsyrmasy boıynsha Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasyna ázirlengen jańashyldyqtar kúshine endi. Bul týraly Eńbek jáne halyqty áleýmettik qorǵaý mınıstrliginiń baspasóz qyzmeti habarlady.

Bıýdjet shyǵyndarynyń tıimdiligin arttyrý úshin qysqa merzimdi kásiptik oqytý tetigi qaıta qaraldy. Endi ol oqytylǵan adamdardy jumysqa ornalastyrýǵa kepildik beretin jumys berýshilerdiń ótinimderi boıynsha júzege asyrylady.

Jumys berýshiniń qaıta daıarlaý kýrstary qunynyń keminde 50%-yn qosa qarjylandyrýy shartymen eńbek sharty boıynsha jumys isteıtinderdi kásiptik daıarlaý jónindegi tetik engizildi. Bul shara eńbek sharty boıynsha jumys isteıtinderge eńbek jolynyń barlyq kezeńderinde bilim alýǵa múmkindik beredi, sondaı-aq jumys berýshilerdiń óz qyzmetkerleriniń jańa bilim men daǵdylardy alýyna múddeligin arttyrady.

Kópbalaly jáne tabysy az otbasy múshelerin kásipkerlikke tartý úshin olarǵa mıkrokredıtter jyldyq 4%-dan aspaıtyn paıyzdyq stavkamen 7 jylǵa deıingi merzimge jeńildikti sharttarmen beriletin bolady.

Sonymen qatar halyqtyń barlyq sanattary úshin biryńǵaı memlekettik granttardyń mólsheri belgilendi – 200 AEK. Sonymen birge kópbalaly jáne tabysy az otbasylardyń músheleri aldyn ala oqytýsyz grant alýǵa quqyly.

Jastardy memlekettik qoldaý sharalary qaıta qaraldy. Jastar tájirıbesine 2020 jyldan bastap qosymsha eki jańa qural: «Birinshi jumys orny» jáne «Urpaqtar kelisimsharty» jobalary engizildi.

«Birinshi jumys orny» jobasy 29 jastan aspaǵan, onyń ishinde NEET sanatyndaǵy (jumys istemeıtin jáne biliktiligin arttyrmaıtyn jáne oqymaıtyn) azamattarǵa, jumys tájirıbesi joq, bilim berý uıymdarynyń túlekterine, eńbekke jaramdy múgedekterge birinshi jumys ornyna jumysqa ornalasýǵa múmkindik beredi.

«Urpaqtar kelisimsharty» jobasy zeınetkerlik jasqa jetken jumys isteıtin qyzmetkerdi keıinnen aýystyra otyryp, jumysqa ornalastyrýdy kózdeıdi.

Erikti túrde qonys aýdarýǵa qatysýǵa nıet bildirgen azamattardy qamtýdy keńeıtý úshin qonys aýdarýshylardyń shyqqan óńirleriniń qataryna Almaty qalasy engizildi. Qonys aýdarýshylardy qabyldaý óńirlerine Aqmola jáne Qaraǵandy oblystary qosymsha engizildi, bul eńbek kúshi tapshy óńirlerdi qajetti eńbek resýrstarymen qamtamasyz etip qana qoımaı, qonys aýdarýshylar úshin turǵylyqty jerdi tańdaýǵa qosymsha múmkindik beredi.

Qonys aýdarýshylardy turǵyn úımen qamtamasyz etý maqsatynda turǵyn úılerdi salý jáne satyp alý  mehanızmderin eldiń barlyq óńirlerine taratý usynylady. Bul rette, Indýstrııa jáne ınfraqurylymdyq damý mınıstrligi «Eńbek» baǵdarlamasynyń eńbek kúshi mol óńirlerden qonys aýdarýshylar úshin turǵyn úı salý máseleleri jónindegi operatory bolyp belgilenedi.

Joǵaryda kórsetilgen sharalar halyqtyń áleýmettik jaǵynan osal toptary qatarynan, onyń ishinde NEET sanatynan kóp azamattardy ekonomıkalyq qyzmetke tartýǵa múmkindik beredi.

Sońǵy jańalyqtar

200 teńgelik moneta aınalymǵa shyqty

Qazaqstan • Búgin, 10:39

Qorjynymyz bos qaıtty

Qysqy sport • Búgin, 06:56

Para júzýshiler 43 medal oljalady

Sport • Búgin, 06:54

Boksshylar Ammanda irikteledi

Kásipqoı boks • Búgin, 06:53

Naqyl sózderge toly aǵash

Aımaqtar • Búgin, 06:47

Hakim taǵylymy hám ulttyq kod

Abaı • Búgin, 06:43

Kemel oılardyń kemeńgeri

Abaı • Búgin, 06:41

Maǵaýın mıfi

Rýhanııat • Búgin, 06:35

Mańyzdy mindetterge basymdyq beriledi

Saıasat • Búgin, 06:35

Múddeler toǵysy

Álem • Búgin, 06:32

Aýǵanstanda ushaq qulady

Álem • Búgin, 06:30

MÁMS: atqaryldy kóp is

Medısına • Búgin, 06:22

Kóshe boıyndaǵy mádenıet

Qoǵam • Búgin, 06:06

Sary nómir beriletin boldy

Qoǵam • Búgin, 06:05

Qańtardaǵy qarly qursaý

Qoǵam • Búgin, 06:03

Altyn Pragada – Abaı ortalyǵy

Abaı • Búgin, 06:00

О́zara senimge negizdelgen yntymaqtastyq

Prezıdent • Búgin, 05:51

«Barystyń» qarqyny qatty

Hokkeı • Keshe

Uqsas jańalyqtar