Qazaqstan • 10 Qańtar, 2020

Qazaqstanda jol sapasyn tekserýdiń aýqymdy sharalary ótkizilip jatyr

24 retkórsetildi

Avtomobıl joldar komıteti «Ulttyq jol aktıvteri sapasy ortalyǵy» RMK 2019 jyly atqarǵan jumysynyń alǵashqy qorytyndylaryn shyǵardy. Bul týraly Indýstrııa jáne ınfraqurylymdyq damý mınıstrliginiń baspasóz qyzmeti habarlady.

Osylaısha ortalyq mamandar Qazaqstan joldarynda ótken jyly 13 myńǵa tarta tekseris sharasyn júrgizip, 5 myńnan astam ár alýan olqylyqty anyqtaǵan bolatyn.

Máselen, ótken jyly Aqmola oblysyna qarasty Qosshy kentinde jolshylar uıymdastyrǵan reıdke qoǵam belsendileri, respýblıkalyq arnaıy monıtorıngtik top pen buqaralyq aqparat quraldarynyń ókilderi qatysty. Tekseris barysynda túrli olqylyqtar anyqtalyp, tehnıkalyq qadaǵalaý, sýbmerdigerlik jáne jobalyq uıymdardyń mamandaryna ákimshilik aıyppul salyndy.

Sondaı-aq 2019 jyly ortalyq Shyǵys Qazaqstan, Pavlodar jáne Qyzylorda oblystaryndaǵy joldardyń da talapqa sáıkestigin tekserdi. Atalmysh jumystardyń nátıjesinde jergilikti mańyzdaǵy «Maıqaıyń-Ekibastuz» jáne «Jalaǵash-Josaly» joldary standarttarǵa saı emes ekendigi anyqtalǵan-dy.

Eske salaıyq, «Ulttyq jol aktıvteri sapasy ortalyǵy» Úkimet Qaýlysynyń negizinde 2019 jyly 16 «Obljolzerthana» RMM biriktirilýi arqyly qurylǵan bolatyn. Ortalyqty qurýdaǵy maqsat – respýblıkalyq mańyzy bar joldardyń ǵana emes, jergilikti jol jelisiniń sapasyn tekserý, jol aktıvterin basqarý, jol qaýipsizdigi deńgeıin monıtorıngten ótkizý, jańa tehnılogııalar men materıaldardy engizý. Bıyl atalmysh kásiporyn Qazaqstan joldarynyń sapasyn baqylaý sharalaryn kúsheıte túspek.

1

Sońǵy jańalyqtar

Ystyq tamaq taratty

Qazaqstan • Keshe

Betperde kıgen kóktem

Tanym • Keshe

Uqsas jańalyqtar