Olardyń qatarynda Darhan Myńbaı, Nurjan Áltaev jáne Fahrıddın Qarataev bar. Kezdesýde qalanyń áleýmettik-ekonomıkalyq damýy men alda atqarylar jumystardyń jaıy sóz boldy. Qala basshysy túrli memlekettik baǵdarlamalardyń qalada óz deńgeıinde júzege asyrylyp otyrǵanyn jetkizip, Shymkent halyqtyń sanymen ǵana emes, ekonomıkalyq qýatymen de qarqyndy ósip keletinin atap ótti.
«О́tken jyldyń 11 aıy boıynsha ónerkásip ónimi - 16,4 paıyzǵa, aýyl sharýashylyǵy ónimi - 5,5 paıyzǵa, paıdalanýǵa berilgen turǵyn úıler kólemi - 15,3 paıyzǵa, al bólshek saýda kólemi 7,1 paıyzǵa artty. Qalada 2 ındýstrııalyq aımaq jumys isteıdi, olardyń jeri 100% ıgerilgen. Búgingi kúnge quny 42 mlrd teńgelik 67 joba iske qosylyp, 4 myńǵa jýyq adam jumyspen qamtyldy. Ashylǵaly memlekettik bıýdjetke 16 mlrd teńge kóleminde salyq tústi. Bul baǵyttaǵy jumystar bıyl da jalǵasady» dedi qala ákimi.
Memleket basshysynyń bastamasymen júzege asyp otyrǵan baǵdarlamalardyń oryndalýyna qanyqqan halyq qalaýlylary aldaǵy ýaqytta da Shymkent qalasynyń ósip-órkendeýi jolyndaǵy jobalarǵa barynsha óz úlesterin qosyp, qoldaý bildiretinderin jetkizdi.
