Nurjan Áltaev Parlamenttegi jalpy zań qabyldaý jumystarynyń barysyn ekshep ótti. Kásipodaq músheleri men turǵyndar san túrli salany qamtıtyn suraqtaryn qoıdy.
Aýmaqtyq kásipodaqtar birlestiginiń tóraǵasy Berik Bekjanov kásipodaq uıymdarynyń negizgi maqsaty jumysshylar men eńbekkerlerdiń quqyn qorǵaý ekenine erekshe toqtalyp, osy baǵytta kásiporyndarda óndiristik jazataıym oqıǵalardyń aldyn alý, jumys oryndarynda eńbek qaýipsizdigin saqtaý boıynsha atqarylǵan jumystardyń aýqymdy ekenin jetkizdi.
Sondaı-aq jumys berýshilerdiń jumysshylar aldyndaǵy jalaqy qaryzdaryn sheshý, eńbek sharttaryn jasasý men ujymdyq shart jasasý máseleleriniń sheshilýin baıandady. Birlestik tóraǵasy eńbek daýyn joıý maqsatynda ashylǵan tatýlasý ortalyǵynyń jemisti jumystarmen de bólisti.
Depýtat pen kásipodaqtyqtarmen kezdesýinde «Medıasııa» týraly zańnyń aıasyn keńeıtý, sonyń naqty mysaly retinde memlekettik mekeme men memlekettik qyzmetker arasynda bolatyn daýdy eń aldymen tatýlasý boıynsha medıasııa baspaldaǵynan bastaý qajetigi kóterildi.
Parlament Májilisiniń depýtaty Nurjan Áltaev saýaldarǵa baıyppen jaýap berip, ózekti máselelerdi sheshý úshin tıisti atqarýshy organdarmen birlese jumys jasaıtynyn jetkizdi.
