Parlament • 10 Qańtar, 2020

Vladımır Volkov Eńbekshiqazaq aýdanyna bardy

53 retkórsetildi

Almaty oblysynda jumys babyndaǵy saparmen júrgen Parlament Senatynyń depýtaty Vladımır Volkov Eńbekshiqazaq aýdany prokýratýrasynyń qyzmetkerlerimen kezdesti. Bul týraly Parlament Senatynyń baspasóz qyzmeti habarlady.

Kezdesý barysynda birqatar máseleler, onyń ishinde Almaty oblysyndaǵy mal urlyǵynyń kóptegen faktileri talqylandy. Aýdan aýmaǵynda 116 937 iri qara, 342 266 usaq mal, 24 353 jylqy, 99 túıe tirkelgen. Aýdan boıynsha mal urlyǵynyń 972 faktisi tirkelgen, bul rette 688 fakti ashylmaǵan. Qadaǵalaý organy mal urlyǵy jónindegi qylmystyq jaǵdaıdy saýyqtyrýǵa baǵyttalǵan mal urlyǵyna qarsy kúres boıynsha pılottyq joba usynyp otyr. Pılottyq joba boıynsha malǵa, jylqynyń ashyq jerine aýdandaǵy aýyldyq okrýgterdiń ár poselkesiniń poshtalyq ındeks sıfryn sýyq túrdegi azotpen tańba salyp, belgileý ádisin paıdalananylady. Sondaı-aq iri qara men túıeni ákimdiktiń mal esebi jónindegi kompıýterdegi derekqoryna mindetti túrde tirkeı otyryp, oblystyq ishki ister organdarynda da sondaı málimetter bazasyn jasaý usynylyp otyr. Jobaǵa iri sharýa qojalyqtarynyń basshylary qoldaý bildirýde. Jobany iske asyrý bıýdjet qarajatyn qysqartýǵa, máselen, jedel-izdestirý sharalary men qylmystyń aldyn alýǵa múmkindik beredi. «Osy pılottyq jobany iske asyrý nátıjelerin komıtettiń kóshpeli otyrysynda ázirleýshilermen birge tyńdaý oryndy bolar edi» dedi senator.

Sonymen qatar on alty jasqa tolmaǵan adammen jynystyq qatynas jasaǵany nemese ózge de nápsiqumarlyq sıpattaǵy is-áreketter úshin jaýapkershilikke qatysty elimizdiń Qylmystyq kodeksindegi 122-baptyń 3-bóligin qaıta qaraý týraly usynystar aıtyldy.

Sol kúni oblystyq polısııa departamenti basshylyǵy men polısııa basqarmasy jeke quramynyń, Eńbekshiqazaq aýdany ákiminiń, máslıhat depýtattarynyń qatysýymen semınar-keńes ótti.

Senator Vladımır Volkov óz baıandamasynda Qazaqstannyń Tuńǵysh Prezıdenti – Elbasy IIM aldyna quqyq buzýshylyqtarǵa múldem tózbeýshilikti qalyptastyrý mindetin qoıǵanyn atap ótti. Memleket basshysy Qasym-Jomart Toqaev ótken jyly sáýir aıynda IIM basshylyq quramymen ótken keńes barysynda «Polısııa jumysy búkil qoǵamnyń jiti nazarynda. Sizderdiń qyzmetterińiz el azamattarynyń múddeleri men qaýipsizdigimen astasyp jatyr. Sondyqtan IIM-niń jumysy naqty, júıeli túrde uıymdastyrylýy tıis. Polısııa ashyq bolýy kerek. Ol úshin qoǵammen dıalog qajet» dep atap ótken bolatyn.

Depýtat zańnamadaǵy jańalyqtar týraly egjeı-tegjeıli aıtyp berdi. Quqyq qorǵaý júıesin reformalaýdyń negizgi erejeleri talqylandy jáne birqatar suraqtarǵa jaýap berdi.

Vladımır Volkov sondaı-aq aýdanaralyq kóp salaly aýrýhanada da boldy. Aýdannyń bas dárigeri Jámılıa Ábeýova medısına mekemesiniń jumysy jáne aldaǵy damý josparlary týraly aıtyp berdi. Stasıonar men perzenthanaǵa 2019 jyldan iske asa bastaǵan DamýMed avtomattandyrylǵan keshendi medısınalyq júıesi engizildi. Kezek kúttirmeıtin shuǵyl járdem bólimi «Triag» júıesi boıynsha jumys isteıdi.

Aýdanda eki aýrýhana jumys isteıdi. Eńbekshiqazaq kópsalaly aýdanaralyq aýrýhanasy quramynda 298 dáriger, 1286 medbıke jáne feldsher, al Shelek aýylynyń aýdandyq aýrýhanasynda 66 dáriger, 211 orta býyn medısına qyzmetkeri jumys isteıdi.

2019 jyly medısınalyq uıymnyń 17 mamany kóterme járdemaqy aldy, al 5 maman «Dıplommen – aýylǵa» baǵdarlamasy boıynsha turǵyn úı satyp alýǵa bıýdjettik nesıe aldy.    

Senator 2020 jyldyń 1 qańtarynan bastap kúshine enetin jańalyqtar týraly, atap aıtqanda, mindetti medısınalyq saqtandyrýdy engizý máseleleri jaıynda aıtyp berdi. Shara barysynda halyqty mindetti áleýmettik-medısınalyq saqtandyrýdy keńinen qamtýdy engizý máselesi boıynsha túsindirý jumystaryn kúsheıtý týraly usynystar aıtyldy. Dárigerlermen, medısına qyzmetkerlerimen kezdesýde densaýlyq saqtaýdy damytýdyń 2020-2025 jyldarǵa arnalǵan jańa memlekettik baǵdarlamasy talqylandy, onyń negizgi maqsaty – sapaly jáne qoljetimdi densaýlyq saqtaýdy qamtamasyz etý bolyp tabylady. Jalpy alǵanda, bul baǵdarlamany dárigerler qoldaıdy, alaıda, olardyń pikirinshe, ony júzege asyrý kúmán týǵyzady.

«Búgin kóterilgen ózekti máseleler, aıtylǵan usynystar komıtet jumysy barysynda zerdelenedi jáne eskeriletin bolady» dedi senator.

Sońǵy jańalyqtar

Qansonarda búrkitshi shyǵady ańǵa...

Aımaqtar • Búgin, 12:38

Negizgi uǵymdar júıelenedi

Saıasat • Búgin, 08:43

Tıimdi dıologqa jol ashady

Saıasat • Búgin, 08:37

Qoǵam múddesin oılaǵan qujat

Saıasat • Búgin, 08:33

Jarysty 8 júldemen aıaqtady

Sport • Búgin, 08:29

Aqpannyń borany ashýly

Aımaqtar • Búgin, 08:26

О́tken ǵasyr órnegi

Tanym • Búgin, 08:25

Úshinshi ret fınalda jeńildi

Tennıs • Búgin, 08:24

Jas ǵalymdardyń aımaqtyq semınary

Qoǵam • Búgin, 08:18

Sóz soıyl №89

Rýhanııat • Búgin, 08:02

Shahar shyraıyn shaǵyn bıznes ashady

Aımaqtar • Búgin, 08:01

10 jyl sýbsıdııalanǵan salanyń jyry

Ekonomıka • Búgin, 07:53

Jemisten chıps jasaıdy

Aımaqtar • Búgin, 07:52

Sózdiń quny men qudireti

Rýhanııat • Búgin, 07:46

Baǵany aýyzdyqtaýdyń amaly

Úkimet • Búgin, 07:44

Telearna jumysynyń esebi tyńdaldy

Qoǵam • Búgin, 07:36

Maqamy máshhúr Mańǵystaý

Aımaqtar • Búgin, 07:26

Saıat atynyń syny men baby

Qoǵam • Búgin, 07:23

Qalamy semser serke edi

Tanym • Búgin, 07:20

Reıtıngtegi ornyn saqtap qaldy

Fýtbol • Búgin, 07:17

О́zi de, sózi de sulý

Rýhanııat • Búgin, 07:15

О́ner aıdynynda sáýlelengen jumaq ólke

Rýhanııat • Búgin, 07:07

Uqsas jańalyqtar