Senator kezdesý barysynda Parlament qabyldaǵan zań erejeleri men azamattardyń ál-aýqatyn jaqsartý jónindegi memleket qabyldaǵan sharalardy túsindirdi.
2020 jylǵa arnalǵan respýblıkalyq bıýdjettiń kórsetkishteri, áleýmettik tólemder, memlekettik arnaıy járdemaqylar, kepildik berilgen áleýmettik toptama jáne ataýly áleýmettik kómek, mindetti medısınalyq saqtandyrý, sondaı-aq turǵyn úı qoryn basqarýdyń jańa úlgisi máseleleri talqylandy.
S.Ershov 2019 jyly halyqtyń ál-aýqatyn arttyrýǵa, onyń ishinde az qamtylǵan jáne kóp balaly otbasylarǵa memlekettik qoldaý kórsetýge arnalǵan áleýmettik máselelerge erekshe nazar aýdarylǵanyn atap ótti.
Depýtat sapar aıasynda Jezqazǵan qalasynyń aýrýhana qalashyǵynda bolyp, 900 oryndyq mektep qurylysynyń barysymen tanysty, Keńgir kentinde jańartylatyn energııa kózderinen elektr energııasyn óndiretin «Kaz green energy» kásipornynda boldy.
Sátbaev qalasynyń «Qamqor» áleýmettik qoldaý ortalyǵynyń basshylyǵy men ujymymen kezdesý barysynda depýtat «qulaq asatyn memleket» tujyrymdamasy men Memleket basshysynyń Qazaqstan halqyna Joldaýyn júzege asyrý úshin qabyldanyp jatqan sharalar týraly habardar etti. Sergeı Ershov jastar saıasatyn qoldaý sharalaryna toqtalyp, Senat janynda Jastar keńesin qurý josparlanyp otyrǵanyn aıtty.
Kezdesýge qatysýshylar óz kezeginde oblystaǵy ózekti máselelerdi kóterdi, óıtkeni, qalada aýyz sýǵa baılanysty problema bar, sondyqtan jańa sý qubyrynyń qurylysyn qarastyrý qajet bolyp otyr. Oblystyń sharýa qojalyqtarynda sýbsıdııa alý máseleleri týyndaǵany jaıynda aıtyldy.
S.Ershov Ulytaý aýdanynda zeınetkerlerdi qabyldady.
Aýdandyq máslıhat depýtattarymen kezdesýde senator óńirdegi týrızmdi damytý, «Aýyl – el besigi» arnaıy jobasyn júzege asyrý, tarıhı-mádenı mura nysandaryn qorǵaý jáne paıdalaný, sondaı-aq kóp balaly jáne az qamtylǵan otbasylardy memlekettik qoldaý qajettigi týraly sóz qozǵady.
Senator sondaı-aq Ulytaý aýdanyndaǵy týrızmdi damytýdyń negizi bolatyn týrıstik sapar ortalyǵynyń qurylysymen tanysty.
