Kezdesý barysynda elimizdiń jáne Almaty qalasynyń damý máseleleri, sondaı-aq otandyq azamattyq avıasııanyń problemalary men keleshegi talqylady.
Dınar Nóketaeva Parlament Senatynyń zań shyǵarý jumysymen tanystyrdy. 2020 jyldan bastap az qamtylǵan jáne kóp balaly otbasylarǵa ataýly áleýmettik kómek kórsetý tetikteriniń jetildirilgeni jáne az qamtamasyz etilgen otbasylardan shyqqan balalarǵa kepildi áleýmettik paket engizilgeni týraly aıta kelip, senator áleýmettik kómektiń jańa sıpatyna nazar aýdardy.
Áýe tasymaly salasynyń qyzmetkerleri óz kezeginde áýejaı jumysy týraly egjeı-tegjeıli aıtyp, jolaýshylarǵa árdaıym sapaly qyzmet kórsetýge erekshe nazar aýdarylatyny jáne múmkindigi shekteýli adamdarǵa barlyq jaǵdaı jasalǵanyn atap ótti. Sonymen qatar, áýejaı basshylyǵy kompanııanyń barlyq qyzmetkerleri mindetti áleýmettik medısınalyq saqtandyrý júıesine qatysatyny týraly aıtty. Olar sondaı-aq bilikti mamandardyń jetispeýshiligine alańdaýshylyq bildirdi.
Dınar Nóketaeva kezdesýdi qorytyndylaı kelip, Memleket basshysynyń Qazaqstan halqyna Joldaýynda belgilengen strategııalyq mindetterdiń mańyzyn atap ótti.
