Aımaqtar • 10 Qańtar, 2020

Ýchaskelik ınspektorlar baspanaly bolyp jatyr

54 retkórsetildi

Bıylǵy jyldy Ishki ister mınıstrligi «Ýchaskelik polısııa ınspektorlarynyń jyly» dep jarııalaǵan. Barlyq qylmystardyń aldyn alý men jolyn kesýde eńbegi zor bolyp keletin ýchaskelik ınspektorlardyń áleýmettik jaǵdaıyn jaqsartýdy oılap, olarǵa kóńil bólýdi qolǵa alǵan mınıstrliktiń bastamasyna jergilikti bılik te qoldap otyr. Sonyń bir kórinisi retinde Soltústik Qazaqstan oblysyndaǵy Aqqaıyń aýdanynda bolǵan qonys toıyn ataýǵa bolady.

Bir otbasynyń qýanyshy búkil eldiń qýanyshy emes pe? Elimizdiń ońtústik aýmaǵynan kelip, ýchaskelik polısııa ınspektory bolyp qyzmet etip jatqan polısııa leıtenanty Azatbek Temirhanulyna osy aýdandaǵy ózi turatyn Trýdovoe aýylynda 75 sharshy metr úıdiń kilti tabys etildi. Ony «Santa-Marııa» jaýapkershiligi shekteýli seriktestiginiń jetekshisi Pavel Leonov turǵyzyp berdi. Úıdiń kiltin tabys etý sharasyna SQO PD bastyǵynyń birinshi orynbasary, polısııa polkovnıgi Dýman Taev qatysyp, úıge qol jetkizgen kishi ofıserdi alǵashqy bolyp quttyqtady. Sóıtip, tuńǵysh perzentterin endi kórgeli otyrǵan jas otbasy qýanyshqa keneldi. «Ishki ister mınıstrligi, Polısııa departamenti, jergilikti atqarýshy organdar tarapynan kórsetilip otyrǵan qoldaý qyzmette serpilis beredi, ózim jumys isteıtin ýchaskede turǵyndarǵa minsiz qyzmet atqarýǵa ıtermeleıdi» deıdi jas leıtenant.

Oblysta ýchaskelik ınspektorlardy áleýmettik turǵydan qoldaý jalǵasyp keledi. Jaqynda Taıynsha aýdanyndaǵy Qaraǵash aýylynda da «Astyq-STEM» JShS salyp bergen qyzmettik úıge aýdandyq polısııa bóliminiń ýchaskelik polısııa ınspektory Rýslan Bekbolatov qonystandy. Polısııa departamentindegi jedel keńeste oblystyq polısııa vedomstvosynyń bastyǵy, polısııa polkovnıgi Marat Tólebaev barlyq aýdandyq bólinisterdiń basshylaryna ýchaskelik polısııa ınspektorlaryna jan-jaqty qoldaý kórsetýdi tapsyrdy. Qazir polısııa departament barlyq ýchaskelik polısııa ınspektorlardyń baspanalyq-turmystyq jaǵdaıyna monıtorıng júrgizýdi josparlap otyr. «Quqyqtyq tártip pen aýmaqtardaǵy profılaktıkalyq jaǵdaı tártip saqshylarynyń jumys sapasyna baılanysty, al olardyń jumys tıimdiligi áleýmettik jaǵdaıy durys bolǵanda ǵana artary sózsiz» deıdi polısııa bastyǵy.

Sońǵy jańalyqtar

Elbasy Túrkııa halqyna kóńil aıtty

Qazaqstan • Búgin, 14:17

Elektiń sory – alty valentti hrom

Ekologııa • Búgin, 14:05

BQO polısııasy 440 otbasyn tekserdi

Aımaqtar • Búgin, 13:20

Túrkııada jer silkinisi boldy

Álem • Búgin, 10:14

Qyzylorda: Qazalydaǵy qonys toı

Aımaqtar • Búgin, 09:07

Uqsas jańalyqtar