Aımaqtar • 10 Qańtar, 2020

Mańǵystaýda polısııa departamenti jol ınfraqurylymyna qatysty jıyn ótkizdi

145 retkórsetildi

Mańǵystaý oblysy Polısııa departamentiniń bastyǵy polısııa polkovnıgi Qanat Taımerdenovtyń basshylyǵymen jol-kólik oqıǵasynyń aldyn-alý jáne jol ınfraqurylymyn jaqsartý boıynsha jıyn ótti. Bul týraly atalmysh departamenttiń baspasóz qyzmetinen habarlady.

Atalǵan sharaǵa Aqtaý qalasynyń ákimi Ǵ.Nııazov, qala prokýrory B.Qulmaǵambet, Mańǵystaý oblysy jolaýshylar kóligi jáne avtomobılder basqarmasy bastyǵynyń orynbasary S.Meırmanov, «QazAvtoJol» AQ Mańǵystaý oblysy boıynsha fılıaly dırektorynyń orynbasary K.Sýebaev, Aqtaý qalalyq jolaýshylar kóligi jáne avtomobılder joldary bólim basshysy J.Qubashev, «Djengız Inshaat» AQ ókili, «Aqjol qurylys» JShS dırektorynyń orynbasary B.Eleshov, «Aqjol +K» JShS dırektorynyń orynbasary S.Qusaıynov, «Mańǵystaý Dor-Servıs» bas ınjeneri I.Nuralıev, PD bastyǵynyń orynbasarlary, basqarma basshylary, Aqtaý qalasy PB basshylyǵy, jol jáne tehnıkalyq ınspeksııa bóliminiń jeke quramy qatysty.

PD Ákimshilik polısııa basqarmasynyń bastyǵy polısııa polkovnıgi Jeńis Dadaev jol-kólik oqıǵasynyń aldyn-alý jáne jol ınfraqurylymyn jaqsartý maqsatynda atqarylatyn is-sharalar týraly baıandady. Baıandamada ol jol-tehnıkalyq ınspeksııasy qyzmetiniń negizgi baǵyttary avtojoldardaǵy  jol qozǵalysyna qatysty uıymdastyrýshylyq is-sharalar júrgizý jáne uıymdastyrý ekendigin kórsetti.

Mańǵystaý oblysy aımaǵyndaǵy qoldanystaǵy joldardyń uzyndyǵy 4371 shaqyrymdy quraıdy, sonyń ishinde respýblıkalyq mańyzdaǵy joldar – 1049 shaqyrym, jergilikti, aýdandyq mańyzdaǵy joldar – 1797 shaqyrym, sharýashylyq joldar – 718 shaqyrym, kóshe jol júıeleri 807 shaqyrymdy quraıdy.

Apattylyq jaǵdaılaryna taldaý kórsetkendeı, jol-kólik oqıǵalarynyń negizgi sebepteri – belgilengen jyldamdyqtan asyrý, qıylystan ótý erejelerin buzý, qarama-qarsy baǵytqa shyǵyp ketý, jaıaý júrginshilerdiń joldan ótý erejesin buzý bolyp tabylady.

2019 jyldyń 12 aıynda Mańǵystaý oblysy Ákimshilik polısııa basqarmasy jáne qala, aýdandyq polısııa bólimi jol tehnıkalyq ınspeksııa qyzmetkerlerimen, Mańǵystaý oblysy jolaýshylar kóligi jáne avtomobıl joldary jáne «QazAvtoJol» AQ qyzmetkerlerimen birlesip, jol júıelerin 13113 shaqyrymdy qamtyp, tekseris júrgizip, anyqtalǵan kemshilikterdi joıýǵa 1122 jazbasha nusqama berildi.

Joldardy jáne tehnıkalyq quraldardy kútip ustaý erejesin buzǵan, tıisti dárejede oryndamaǵany úshin QR ÁQBtK-niń 630, 631, 632-baptarynyń 1-tarmaǵy  boıynsha 146 jaýapty tulǵa ákimshilik jaýapkershilikke tartylyp, 3 mln 152 myń 500 teńge aıyppul salynyp, onyń 1 mln 517 myń 477 teńgesi óndirildi. Jazbasha nusqamany oryndamaǵan úshin Jolaýshylar kóligi jáne abtomobıl joldary bólimshesiniń birinshi basshysyna jáne Jańaózen qalalyq turǵyn úı kommýnaldyq sharýashylyǵy bólimshesine Ákimshilik quqyq buzýshy týraly kodeksiniń 462-babynyń 3-tarmaǵy boıynsha 2 ákimshilik hattama toltyrylyp sotqa joldandy.

Temir jol ótkelderi boıynsha tekseris jumystary júrgizilip, anyqtalǵan kemshilikterdi joıý boıynsha jazbasha nusqama berilip, temir jol ótpesin kútip ustaý qaǵıdalaryn buzǵan 18 jaýapty tulǵa ÁQBtK-niń 630, 631, 632-baptarynyń 1-tarmaǵy boıynsha ákimshilik jaýapkershilikke tartyldy.

Mańǵystaý oblysy ákimdigi, jolaýshylar kóligi jáne avtomobıl joldary basqarmasy jáne «QazAvtoJol» AQ, jergilikti atqarýshy organdarǵa jol júıelerin sapaly ustaý jáne belgilengen qurylys normalary men erejelerine saı qalypqa keltirip, avtokólik quraldary qozǵalysynyń qaýipsiz jáne qalypty jaǵdaılaryn qamtamasyz etý, jol júıelerine ózgerister engizip, jol belgilerin ornatyp, jol qozǵalysy qaýipsizdigin qamtamasyz etý maqsatynda 79 aqparat joldandy.

Mańǵystaý oblysy aýmaǵynda qoldanysta barlyǵy 130 baǵdarsham bar. Respýblıkalyq, oblystyq mańyzdaǵy tas joldarǵa aǵymdaǵy jyly jol qozǵalysy qaýipsizdigin qamtamasyz etý, jol-kólik oqıǵasyn boldyrmaý, eskertý  maqsatynda 13 bılbord, jol-kólik oqıǵasynan zardap sheken 2 avtokóliktiń maketi, 144 sharshy metr shýly jolaqtar, 1203 shaqyrym jol tańbalaryn jańartyp salý, avtojoldardyń bólý ósinde, aıyryqtarda, kópirler men burylý alańdarynda 10 dana jol býferleri, 238  jol belgileri , 6 (pano) aqparattyq jol belgileri, 506 sıgnal baǵanalary, 640 sharshy metr jol qorshaýlary, 6 jaryq dıodtty jaıaý júrginshi jol belgileri ornatyldy.

Aqtaý qalasynda 28 rettelmegen jaıaý ótpege shý jolaqtary salynyp, 3 jaıaý ótpege baǵdarsham ornatyldy.

Q. Taımerdenov atap ótkendeı, qalanyń jaǵalaý aımaǵyndaǵy joldarda 14 shaǵyn aýdannyń 19 úıinen men 15 shaǵyn aýdannyń 37 úıge deıin 5 jasandy kedir-budyrlyqtyń ornatylýyna baılanysty osy aımaqta birde-bir jol-kólik oqıǵasy tirkelmegen.

Táýliktiń túngi mezgilderinde jol-kólik oqıǵasynyń aldyn alý maqsatynda polısııa tarapynan Aqtaý qalasynyń keıbir ýchaskelerdi jaryqtandyrý quraldarymen jabdyqtaý sharalaryn qabyldaý qajettiligine baılanysty usynystar berildi.

Sondaı-aq jer ústi jaıaý júrginshiler ótkelderin ornatý qajettiligi týraly birlesken sheshim qabyldandy. Sonymen qatar, jaıaý júrginshiler ótkelderiniń jaryqtandyrylýyn barlyq jerde zertteý josparlanǵan. JKO jıi bolatyn ýchaskelerde shý jolaqtaryn ornatý máselesi qarastyrylýda. Jol-kólik oqıǵalarynyń aldyn alý jáne jol loınfraqurylymyn jaqsartý jónindegi keńesti sol quram toqsanyna bir ret oblys ákimi Serikbaı Trumovtyń tóraǵalyǵymen ótedi.

Sońǵy jańalyqtar

Qazaqy as: dástúr men dám

Rýhanııat • Keshe

Terezeden qarama...

Rýhanııat • Keshe

Qyzmet barysynda qaza tapty

Rýhanııat • Keshe

Bozingendi ıdirgen kúı edi...

Rýhanııat • Keshe

Aǵa men ini

Qoǵam • Keshe

Ysqaq qajy áýlıe

Rýhanııat • Keshe

Qaban, Táńki jáne Bydyq

Rýhanııat • Keshe

Qaıyq kútken kún

Rýhanııat • Keshe

Uqsas jańalyqtar