Medısına • 10 Qańtar, 2020

Túpqaraǵan aýdany MÁMS júıesi boıynsha jumys jasaýǵa daıyn

142 retkórsetildi

Aımaqtardyń mindetti áleýmettik saqtandyrýdy engizýge daıyndyǵyn qamtamasyz etý úshin jedel ózara is-qımyl jónindegi respýblıkalyq shtab ókilderi búgin Túpqaraǵan aýdanynyń ortalyǵy Fort-Shevchenko qalasynda boldy. Jumys tobyna tóraǵalyq etý Densaýlyq saqtaý mınıstrligi Taýarlar men kórsetiletin qyzmetterdiń sapasy men qaýipsizdigin baqylaý komıtetiniń tóraǵasynyń orynbasary Nurlybek Asylbekovke júktelgen. Bul týraly Mańǵystaý oblysy Densaýlyq saqtaý basqarmasy baspasóz qyzmeti habarlady.

Top quramynda «Áleýmettik medısınalyq saqtandyrý qory» KEAQ IT boıynsha basqarýshy dırektory Nurbol Jumadilda, Marat Ospanov atyndaǵy Batys Qazaqstan ýnıversıteti rektorynyń Strategııalyq damý jáne halyqaralyq seriktestik jónindegi prorektory Baqtııar Serik, Mańǵystaý oblystyq densaýlyq saqtaý basqarmasy basshysynyń orynbasary Lázzat Esenǵalıeva, «Áleýmettik medısınalyq saqtandyrý qory» KEAQ Mańǵystaý fılıalynyń dırektory Rýslan Bektýbaev boldy.

Olar aýdandyq aýrýhanada jáne emhanada bolyp, mindetti áleýmettik medısınalyq saqtandyrý júıesiniń júzege asyrylý barysymen tanysty. Bıyldan bastap aýdan turǵyndary eki túrli medısınalyq paket boıynsha kómek alady. Bıyldan bastap kepildendirilgen medısınalyq kómekpen birge qosymsha mindetti áleýmettik medısınalyq saqtandyrý júıesi júredi. Eske sala keteıik, MÁMS azamattardyń arnaıy shotyna jınalǵan qarjy esebinen júzege asyrylady. Al kepildendirilgen kómek bolsa memleket tarapynan qarjylandyrylady. Aýdan turǵyndary úshin barlyq jaǵdaı jasalǵan. Ár adam emhanaǵa nemese aýrýhanaǵa baryp, jeke basyn kýálandyratyn qujaty arqyly bazadaǵy statýsyn anyqtap, soǵan sáıkes qyzmetter alýyna bolady. 30 000-nan astap halqy bar aýdan boıynsha, búginde statýsy anyqtalmaǵan 150 adam ǵana qalyp tur.

Túpqaraǵan aýdandyq aýrýhanasynyń dırektory Baqyt Shalabaevanyń aıtýynsha, aýdan MÁMS boıynsha jumys jasaýǵa tolyqqandy daıyn. Aıta ketý kerek, búginde ortalyq aýdandyq aýrýhana 30617 halyqqa qyzmet kórsetedi. Aýdan boıynsha emdeý-saýyqtyrý mekemeler sany – 7. Atap aıtqanda ortalyq aýrýhana, emhana, Taýshyq dárigerlik ambýlatorııasy, Aqshuqyr  dárigerlik ambýlatorııasy, Baýtın dárigerlik ambýlatorııasy, Qyzyl-ózen aýyly feldsherlik-akýsherlik pýnkti jáne Saıyn Shapaǵatov dárigerlik ambýlatorııasy. 2019 jyldyń qorytyndysy boıynsha 76066 qatysý jasalyp (poseshenıe), 1145 naýqas stasıonardan em alyp shyqqan. 2473 naýqas kúndizgi stasıonardan em alsa, 34 naýqas úıdegi stasıonardan em alǵan.

Mindetti áleýmettik medısınalyq saqtandyrý boıynsha aqparattyq-túsindirme jumystary barysynda Mańǵystaý oblysy boıynsha mindetti áleýmettik medısınalyq saqtandyrý Qorymen birlesip kestelik jospar qurylǵan. Túpqaraǵan ortalyq aýdandyq aýrýhanasy qyzmetkerleri qatarynan, sonyń ishinde dırektordy qosa alǵanda halyq arasynda aqparattyq-túsindirme jumystary boıynsha jaýapty tulǵalar bekitilip, eldi mekender boıynsha bólingen. Bekitilgen kestege saı Fort-Shevchenko qalasy, Taýshyq, Baýtıno, Atash, Qyzyl-О́zen, Saıyn Shapaǵatov, Aqshukyr aýyldarynyń turǵyndary, memlekettik uıymdar qyzmetkerleri jáne jeke sektor ókilderimen kezdesýler ótkizilgen.

Kezdesý barysynda densaýlyq saqtaý salasynda mindetti medısınalyq saqtandyrý, halyq densaýlyǵyn qorǵaýdaǵy memlekettik saıasat, áleýmettik medısınalyq saqtandyrý júıesiniń negizgi maqsaty men mindetterine qatysty bolashaqtaǵy jumystar týraly aıtyldy. Sonymen birge «Qalamqas» keńornyndaǵy óndiristik kompanııa qyzmetkerlerimen kezdesý ótkizilgen.

MÁMS týraly turǵyndardy aqparattandyrý maqsatynda aqparat taratýdyń barlyq quraldary qoldanylýda. Aýdandyq aýrýhana bazasynda MÁMS buryshy qurylǵan, Fort-Shevchenko qalasynda 2 bılbord ornatylǵan, aýdandyq gazet betterinde birneshe maqalalar jarııalanǵan. Qosymsha «real time» rejıminde, ıaǵnı halyq banki bólimshesinde, halyqqa qyzmet kórsetý ortalyǵynda, jumyspen qamtý ortalyǵy jáne basqa halyq kóp shoǵyrlanatyn oryndarda aqparattar berilgen.

Sondaı-aq aýdandyq aýrýhana qyzmetkerleriniń MÁMS boıynsha negizgi suraqtaryn túsindire alý qabilettiliktteri men bilim deńgeıin anyqtaý maqsatynda attestasııa júrgizilgen.

Sońǵy jańalyqtar

"Jymııasyń sen nege?!"

Búgin, 01:53

Tálkekke túsken taǵdyr

Ádebıet • Keshe

Qubylys

Rýhanııat • Keshe

Karantınde konsert kórýge bolady

Rýhanııat • Keshe

Atymtaı jomarttar az emes

Qazaqstan • Keshe

Uqsas jańalyqtar