Bul týraly aımaqtyń «Áleýmettik kartasyndaǵy» mindetterdiń oryndalýy jaıynda esep bergen oblys ákiminiń orynbasary Batyrjan Baıjumanov málimdedi. Belgili bolǵandaı, 2019 jyly óńirdegi ortasha aılyq eńbekaqy mólsheri 137 054 teńgeni quraǵan. Bul kórsetkish 2018 jylmen salystyrǵanda 20,6 prosentke ósken. Al naqty ósim kórinisi 14,7 prosent shamasynda bolǵan. Jalpy, aımaqtaǵy eń joǵarǵy jalaqy qarjy salasy men saqtandyrý qyzmetkerlerine tıesili. Olardyń aılyǵy – 211 241 teńge. Al eń tómengi, 78 939 teńge jalaqyny ákimshilik jáne qosalqy qyzmet kórsetý salasynda eńbek etetinder alady eken.
-Memleket Basshysy Qasym-Jomart Toqaevtyń tapsyrmasyna sáıkes, bıyl áleýmettik sala qyzmetkerleriniń jalaqysy kóbeımek. Atap aıtqanda, óńirdegi 60 myńnan astam muǵalimniń jalaqysy 25 prosentke, mádenıet, óner, sport jáne muraǵat salasyndaǵy 5 myń qyzmetkerdiń jalaqysy 30 prosentke artsa, 3 800 dárigerdiń aılyǵy 30 prosentke jáne 12 200 medbıkeniń tabysy 20 prosentke ósedi. Sondaı-aq oblystaǵy 3 100 áleýmettik qyzmetkerdiń de jalaqysyna ortasha eseppen 30 prosentke deıin ústeme qosylady, dedi oblys ákiminiń orynbasary Batyrjan Baıjumanov.
