Qazaqstan • 11 Qańtar, 2020

Ataýly áleýmettik kómek taǵaıyndaýdyń jańartylǵan tetikteri kúshine endi

56 retkórsetildi

Bıyldan bastap ataýly áleýmettik kómekti kórsetýdiń jańa tetikteri engizildi. Bul kómek áleýmettik jaǵdaıy tómen otbasylarǵa taǵaıyndalyp keledi. AÁK tóleýdiń jańa tetikteri, azamattardyń ál-aýqatyn jaqsartý sharalary týraly Qazaqstan Respýblıkasy Eńbek jáne halyqty áleýmettik qorǵaý mınıstrliginiń Áleýmettik kómek saıasatyn damytý departamenti dırektorynyń orynbasary Aıajan Janǵabylova aıtyp berdi. 

Onyń aıtýynsha, jańartylǵan ataýly áleýmettik kómekti taǵaıyndaý sharttarynda eń az kúnkóris deńgeıiniń 70%-yn taǵaıyndaý sharty burynǵydaı bolyp qaldy. 

«AÁK mólsheri otbasynyń ár múshesi úshin ortasha jan basyna shaqqandaǵy tabys pen otbasynyń ár múshesiniń eń tómengi kúnkóris deńgeıiniń 70%-ynyń arasyndaǵy aıyrmany quraıdy. Turmysy tómen otbasylarǵa aqshalaı tólemder túrinde jáne óz isin bastaýǵa oqytý, jumysqa ornalasýǵa kómektesý arqyly olardy ómirlik qıyn jaǵdaıdan shyǵarýǵa yqpal etemiz», — dedi departament ókili. 

Sonymen qatar, eńbekke qabiletti azamattardy jumysqa ornalastyrý úshin «Eńbek» nátıjeli jumyspen qamtý jáne jappaı kásipkerlikti damytýdyń memlekettik baǵdarlamasynyń barlyq mehanızmderi paıdalanylatyn bolady. Al jeke kásippen aınalysýǵa nıetti jandar úshin jeńildetilgen shaǵyn nesıeler, bıznes ashý úshin qaıtarymsyz granttar usynylady. 

«Budan basqa, búgingi kúni eńbek naryǵynda suranys bolmaı otyrǵan mamandyq ıelerin qaıta oqytamyz, ıaǵnı, olardyń kásibı biliktiligin arttyrýy úshin jaǵdaı jasaıtyn bolamyz», — dedi A. Janǵabylova.

Otbasynyń tabysyn anyqtaý jónindegi ýchaskelik komıssııalardyń otbasynyń materıaldyq jaǵdaıyna tekserý júrgizý merzimi 3 kúnnen 7 kúnge deıin uzartylǵan. Sebebi, ótken jyly ataýly áleýmettik kómekti zańsyz alý úshin azamattardyń óz tabysy men bıznesin jasyrý faktileri oryn alǵan edi: 2019 jyly óziniń naqty tabysyn jasyrǵan 73 myńnan asa otbasyna AÁK zańsyz taǵaıyndalǵan.

«Osyndaı keleńsizdikterge jol bermeý maqsatynda ýchaskelik komıssııalardyń quzyretine jańa krıterııler engizildi. Sol krıterııler boıynsha otbasylardyń muqtajdyq deńgeıi anyqtalatyn bolady», — dedi Áleýmettik kómek saıasatyn damytý departamenti dırektorynyń orynbasary. 

Ataýly áleýmettik kómekti taǵaıyndaý úshin otbasynyń kirisin esepteýde de jańa tetikter qarastyrylǵan. Atap aıtqanda, múgedek balalarǵa tólenetin járdemaqyny, stýdentterdiń shákirtaqylaryn, «Altyn alqa», «Kúmis alqa», «Batyr Ana» ataqtarymen marapattalǵan kóp balaly analarǵa beriletin járdemaqylardy, kepildik berilgen áleýmettik paketti qospaǵanda, eńbek qyzmetinen túsken tabys pen járdemaqynyń barlyq túrleri eskeriletin bolady. 

«Otbasy shaǵyn nesıe men grant alǵan jaǵdaıda alǵashqy 6 aıdan keıingi tabysy kiris retinde eskeriledi. 2019 jyly Memleket basshysynyń Jarlyǵy boıynsha birqatar sanattaǵy azamattardyń borysh júktemesi tómendetilgen edi, bul da otbasynyń tabysy retinde eseptelmeıdi», — dedi departament ókili.  

 Tıisti zań aktilerinde kórsetilgen osy jáne ózge de sharttardyń barlyǵy aǵymdaǵy jyldyń 5 qańtarynan bastap kúshine endi. 

Sońǵy jańalyqtar

Nur-Sultanda qar kúni atap ótiledi

Qoǵam • Búgin, 10:12

18 qańtarǵa arnalǵan aýa-raıy boljamy

Qazaqstan • Búgin, 09:58

Almaty jasyl qalaǵa aınalady

Ekologııa • Keshe

Bulandydaǵy berekeli is

Aımaqtar • Keshe

Mal baqqanǵa bitedi...

Aımaqtar • Keshe

Tekeli – eńbekshiler mekeni

Aımaqtar • Keshe

Jer ıesin tapsa ıgi

Aımaqtar • Keshe

Ǵasyrlarǵa ulasar uly tuǵyr

Rýhanııat • Keshe

«Ádilet, shapqat kimde bar...»

Rýhanııat • Keshe

Uqsas jańalyqtar