Aımaqtar • 11 Qańtar, 2020

Qazaly aýdanyndaǵy máseleler qandaı?

236 retkórsetildi

Qyzylorda oblysynyń ákimi Aral aýdanyna qarasty eldi mekenderdi aralady. Aımaq basshysynyń jumys sapary Qazaly aýdanynda jalǵasty. Qazaly aýdanynan shalǵaı jatqan eldi mekenderdegi turǵyndar basty máseleler retinde: aýyz sý, balabaqsha men sporttyq klýb salý, aýyl ishilik joldar men dárigerlik ambýlatorııanyń qurylysy jáne aýyz sý tartý jelilik qubyrlaryn jańartý týraly jaǵdaılaryn aıtty. 

Aımaq basyshy Janqoja batyr aýylynda bolyp, turǵyndarmen kezdesti. Eldi meken turǵyndary sý qubyry jelilerin tutynýshylar ýchaskesiniń aımaǵyna jetkizip berý týraly ótinishiterin bildirdi. Bul jumystardy júzege asyrýǵa 163,4 mln. teńge qajet.

Q. Ysqaqov bul máselelerdi sheshý úshin tıisti sala basshylaryna tapsyrma berdi.

Sondaı-aq, aımaq basshysy Maıdakól, Ú.Túktibaev, Qojabaqy, Bozkól, Káýkeı, Tasaryq, Birlik aýyldaryn da  aralap, turǵyndarmen kezdesti. Balabaqsha men klýb úıin jańartýdy suraǵan ótinish-tilekterine oblys ákimi kásipkerlermen birlesip jumys atqarylatynyn aıtty. 

«Biz ótken osy birneshe kúndik saparymyzda barǵan aýyldarǵa memlekettik-jekemenshik áriptestik jaıynda aıtyp kelemiz. Osy baǵdarlama negizinde sizder suraǵan ǵımarattardy jańadan turǵyzýǵa kóp múmkindik bar. Ol úshin ne isteımiz? Kóbine-kóp mundaı sharýaǵa el azamattaryn, kásipker azamattardy tartý qajet. Ondaı yqylasty adam bolsa, memlekettik-jekeshelik áriptestik negizinde jarty jyl ishinde klýb, emhana, sporttyq keshender, balabaqsha da ońaı turǵyzar edik. Ári bul ıgilikti is kásipkerdiń ózine de, elge de, úkimetke de paıdaly. 5-6 jyl kóleminde kásipker shyǵyndaǵan barlyq qarjyny memleket tolyq óteıdi. Sonymen qatar, oǵan qosymsha memlekettik tapsyrystar alýǵa da múmkindik týady» - dedi aımaq basshysy. 

Aýyl turǵyndary ótinish-tilekterin jetkizip qana qoımaı atqarylǵan jumystar úshin alǵystaryn aıtyp, aqsaqaldar batalaryn berdi. 

«Byltyr erekshe jyl boldy. Aýylymyzdyń ishi jóndelip, 7 kóshege qıyrshyq tas tóseldi. Burynǵydaı sýdy kóshedegi qubyrdan tasymaımyz. Úıge tikeleı tartylǵan. Turǵyndar sany jyldan-jylǵa artyp keledi»,– deıdi Ú.Túktibaev aýylynyń turǵyny Talǵat Egemberdiuly. 

Aımaq basshysy Qazalydan 110 shaqyrym qashyqtyqtaǵy Qyzylqum aýyldyq okrýgine qarasty Káýkeı aýylyna da bardy. Turǵyndarmen júzdesti, halyq aıtqan máselelerdi tyńdady. Aıta ketý kerek, aýdan ortalyǵynan Káýkeıge deıin jol qatynasy da jaqsarǵan. Jol jóndeý jumystary barlyǵy 2 mıllıard teńgeden astam qarjyǵa kezeń-kezeńimen iske asyp jatyr. Respýblıkalyq bıýdjetten qarajat bólinip, 1978 jyldan beri jóndeý kórmegen avtojol kúrdeli jóndeýden ótýde. Káýkeılikter aýylǵa ınternet jelisi tartylyp, jańa klýb úıi salynýyn surady. Ári osy aýyldyq okrýgke qarasty shaǵyn Ajar  eldimekenine jaryq kerek. Mamandar úı sany jıyrmadan asatyn bul aýylǵa kúnnen qýat alatyn qondyrǵy ornatýǵa bolatyndyǵyn aıtty.

Munan keıin О́rkendeý aýyldyq okrýgine qarasty tarıhı Jankent qalashyǵyndaǵy júrgizilip jatqan jumystarmen tanysty. Jankent qorǵany - respýblıkalyq sıpattaǵy arheologııalyq eskertkish. О́rkendeý aýyldyq okrýginiń ortalyǵyna irgeles jatqan bıik tóbe sııaqty topyraq basqan qorǵannyń ornynda VII - HIV ǵasyrlarda Jankent qalasy bolǵan. Qazir bul jerdiń týrısttik áleýetin arttyrý maqsatynda jumystar júrgizilýde.

Oblys ákimi Q.Ysqaqov "Qarlań" ýchaskesindegi qalqymaly kópirdiń jaǵdaıymen de  tanysty. Kópir arqyly jol qatynasy qıyndap otyrǵanyn aıtqan turǵyndardyń ótinishi eleýsiz qalmady. Aımaq basshysy atalmysh kópirdi salý úshin joba smetalyq qujattardy ázirleýge qarjy bólinip, tıisti jumystar júrgiziletinin málimdedi. Atalǵan kópir qurylysyn júrgizý arqyly О́rkendeý, Birlik, Arandy, Bozkól, Qyzylqum, Tasaryq aýyldyq okrýgteri turǵyndarynyń aýdan ortalyǵymen turaqty baılanysyn, qamtamasyz etýge múmkindik týady. 

«Kúni keshe «Álseıit» ýchaskesindegi kópirdiń paıdalanýǵa berilgenin bilesizder. Aýdanǵa qarasty 7 eldi mekende turatyn 8 myńǵa jýyq halyq qatynaıtyn «Qarlań» kópiriniń de mańyzy zor. Eger jańa temir betondy kópir turǵyzylsa, aýdannyń ekonomıkalyq damýyna úlesi kóp. Sondaı-aq, atalǵan kópirdiń qurylysy «SARATS-2» jobasyna da engizilgen. Joba qujattary qabyldansa, qurylys jumystary 2021-2022 jyldary bastalady», – deıdi aýdandyq turǵyn úı kommýnaldyq sharýashylyǵy, jolaýshylar kóligi jáne avtomobıl joldary bóliminiń basshysy Murat Ábsultanov. 

Oblys ákiminiń tórtinshi kúngi sapary sapary Abaı, Qumjıek, Maılybas, Aqsýat aýyldarynda jalǵasty. Alys shalǵaıda jatqan Sháken men Shılige de bardy. 

«Byltyr osy aýyldyń eki kóshesine túngi jaryq shamdary ornatyldy. Biz sekildi úlken adamǵa bundaı jaǵdaı kerek-aq. Odan ózge jastarǵa saıabaq salyp berdi. Elde 90 oryndyq balabaqsha salynyp jatyr. Buıyrsa, bıyl nemerelerimizdi sonda jetekteımiz dep otyrmyz. Kósheler asfalttanyp, aýyl tirshiligi jyldan-jylǵa jaqsaryp keledi. Oblys ákiminiń arnaıy shalǵaıda ornalasqan aýyldaryn aralap, eldiń ótinishterin tyńdap júrgeni biz úshin úlken qýanysh. Aımaq basshysynyń qyzmetine halyq rıza», –deıdi Maılybas aýylynyń turǵyny Qýanysh Rzahan. 

Sonymen qatar,aımaq basshysy Qashaqbaı Pirimov atyndaǵy aýyldyń turǵyny, tyl ardageri, 102 jastaǵy Márzııa Qojaǵuldyń úıinde bolyp, qarııaǵa sálem berdi.

Tórt kúnde Aral, Qazaly aýdandaryna qarasty 40 jýyq eldi mekendi aralap, halyq ahýalymen jaqyn tanysqan Qýanyshbek Dosmaıyluly turǵyndar kótergen barlyq másele jiti nazarda bolatyndyǵyn jetkizdi. 

«Istelip jatqan jumystardyń barlyǵy Prezıdenttiń talaby. Biz oryndaýshylarmyz. Bul saparymyzdyń maqsaty osy. El-eldi aralap, sizderdiń jaǵdaılaryńyzdy óz kózimizben kórý. Kórip qana qoımaı, kemshilik pen jetispeýshiliktiń saldaryn qaraý, barynsha aıtylǵan máseleler boıynsha jumys júrgizemiz»,– dedi oblys ákimi qazalylyq turǵyndarmen kezdesýinde.

Sońǵy jańalyqtar

Eljan Birtanov Qytaı elshisimen kezdesti

Qazaqstan • Búgin, 19:17

Basty aqparat (21.02.2020)

Vıdeo • Búgin, 18:56

Semeıde stýdentter jataqhanasy órtendi

Aımaqtar • Búgin, 17:40

Memleket basshysy birqatar kezdesý ótkizdi

Prezıdent • Búgin, 17:08

Qańǵybas ıtter de qorǵalatyn boldy

Aımaqtar • Búgin, 12:04

Barlyq másele ashyq aıtyldy

Aımaqtar • Búgin, 06:56

Tenderdi maıshelpek kóredi

Saıasat • Búgin, 06:55

Uqsas jańalyqtar