Tennıs • 12 Qańtar, 2020

Býblık babynda eken: Teılor Frıtsti tize búktirdi

39 retkórsetildi

Qazaqstannyń birinshi, álemniń 55-raketkasy Aleksandr Býblık Adelaıda (Aýstralııa) ATP týrnırin sátti bastady dep habarlaıdy egemen.kz tilshisi QazAqparatqa silteme jasap.

Qazaqstandyq tennısshi alǵashqy aınalymda osy jarystyń besinshi, álemniń 31-raketkasy, amerıkalyq Teılor Frıtspen kezdesti. Birinshi partııa barysynda breık jasaı bilgen A.Býblık sol basymdylyǵyn ýysynan shyǵarǵan joq – 6:4.

Ekinshi partııa áldeqaıda tartysty órbip, taı-breıkke ulasty. Munda da qazaqstandyq sportshy esesin jibermedi – 7:6 (7:4). Báseke 1 saǵat 39 mınýtqa sozyldy. Match barysynda qazaqstandyq tennısshi 18 eıske qol jetkizdi.

A.Býblık T.Frıtsti osymen ekinshi ret tize búktirip otyr. A.Býblık ekinshi aınalymda argentınalyq, reıtıngte 50-oryndaǵy Hýan Ignasıo Londero nemese álemniń 42-raketkasy, ulybrıtanııalyq Denıel Evanstyń bireýimen sheberlik baıqasady.

Erler jáne áıelder arasynda ótip jatqan atalmysh jarys 18 qańtarda márege jetedi.

 

Sońǵy jańalyqtar

Nur-Sultanda qar kúni atap ótiledi

Qoǵam • Búgin, 10:12

18 qańtarǵa arnalǵan aýa-raıy boljamy

Qazaqstan • Búgin, 09:58

Uqsas jańalyqtar