Parlament • 13 Qańtar, 2020

Nurlan Nyǵmatýlın: Shyǵys Qazaqstan – ındýstrııalyq áleýeti myqty irgeli aımaqtardyń biri

24 retkórsetildi

Májilis depýtattarynyń aımaqtarǵa is-sapary barysynda Parlament Májilisi Tóraǵasy Nurlan Nyǵma­týlın alǵashqy saparyn Shyǵys Qazaqstan oblysynan bastady. Bıyl týǵanyna 175 jyl tolatyn uly tulǵa Abaı Qunanbaıulynyń týǵan ólkesine atbasyn burǵan Nur­lan Nyǵmatýlın aldymen Semeı qala­syndaǵy «Jıdebaı-Bórili» mem­leket­tik tarıhı-mádenı jáne ádebı memorıaldyq murajaıynda boldy.

Májilis Tóraǵasy uly Abaı qazynasy Qazaqstan halqynyń rýhanı ıgiligi ekenin, Elbasy Nursultan Nazarbaev pen Memleket basshysy Qasym-Jomart Toqaevtyń uly aqyn shyǵarmalaryn keńinen nasıhattaýǵa erekshe nazar aýdaryp otyrǵanyn atap ótti. Májilis Tóraǵasy Prezıdenttiń «Abaı jáne XXI ǵasyrdaǵy Qazaqstan» maqalasynda kórsetilgen Abaı shyǵarmalaryn saqtaý jáne Semeıdiń áleýmettik-ekonomıkalyq damýyna qatysty alǵa qoıǵan mindetterdiń mańyzdylyǵyna toqtaldy. Nurlan Nyǵ­matýlınniń aıtýynsha, bul baǵyttaǵy jumystar Abaıdyń 175 jyldyǵyn joǵary deńgeıde ótkizýmen qatar elimizdiń tarıhı-mádenı muralaryn odan ári nyǵaıtýǵa jol ashatyny sózsiz.

Osydan keıin Májilis Tóraǵasy Semeı dárigerlerimen kezdesip, onda Májilis qaraýyna engizilgen «Densaýlyq týraly» kodeks áńgime ózegine aınaldy. Nurlan Nyǵmatýlın kodekstiń jańa jobasy elimizde medısınalyq qyzmet kórsetýdiń sapasy men qoljetimdiligin arttyrýǵa aıtarlyqtaı úles qosý kerek ekenin atap ótti. Zań jobasynda aýrýlardyń aldyn alý, dárigerge deıin jáne dárigerlik kómek kórsetý deńgeıin anyqtaý, sondaı-aq transplantologııalyq jańa qadamdarǵa qatysty kóptegen jańalyq qarastyrylǵan.

Májilis Tóraǵasy atap ótkendeı, qazirgi ýaqytta Palata qaraýyndaǵy úkimettik nusqa depýtattardyń aımaqtarǵa sapary barysynda túrli ortalarda jan-jaqty talqylanyp jatyr. Negizgi quramyna Májilis depýtattary, memlekettik organ ókilderi, sarapshylar, ÚEU músheleri, medısınalyq qyzmetkerleri kiretin jumys tobynda atalǵan kodekstiń baǵyttary naqtylanyp jatyr.

Dárigerler ǵana emes, mektep pen bala­baqsha basshylary, psıhologtar men qoǵam­dyq uıym músheleri qatysqan mazmundy jıynda transplantologııa, aldyn alý ekpe­leri, skrınıngtik zertteýler jáne basqa da máseleler talqylandy. Májilis Tóraǵasy bul qujat týraly qorytyndy jasaýǵa áli erte ekenin, barlyq usynys-pikir eskerile otyryp, halyqqa qajetti, sapaly zań qabyl­danatynyn aıtty.

Sonymen qatar Nurlan Nyǵmatýlın О́skemendegi Eńbekpen qamtý ortalyǵynda bolyp, kóp balaly analarmen jáne mekeme qyzmetkerlerimen júzdesip, atalǵan ortalyqqa kelýshilerdiń áleýmettik ahýalyn, AÁK jańa túrine baılanysty qujattyq rásimdeý jaıyn jáne qyzmet kórsetý sapasyn nazaryna aldy.

Májilis Tóraǵasymen kezdesýshiler qatarynda bolǵan analar túrli memlekettik qoldaý arqyly qol jetkizgen jetistikterimen bólisti. Nurlan Nyǵmatýlın osy jyldan bas­­tap kóp balaly analarǵa jańa mem­leket­tik járdemaqy taǵaıyndalǵanyn eske saldy. Ol bala sanyna qaraı 42,5 myń teńgeden 74 myń teńgege deıin qamtıdy. Bul járdemaqyny tóleýde otbasy kirisi esepke alynbaıdy. AÁK tóleýdiń mindetti sharty – eńbekke ornalastyrý. Tıisti bilim nemese mamandyq bolmaǵan jaǵdaıda «Eńbek» baǵdarlamasy arqyly memleket esebinen oqyp, mamandyq alýǵa múmkindik beriledi. О́tken jyldyń 11 aıy ishinde 12 myń qazaqstandyq qatysyp, AÁK alyp, óz bıznesterin ashqan. 120 myń aýyl azamattary ózderiniń jeke sharýashylyqtary jumysyn jolǵa qoıǵan.

Memleket basshysy jarııalaǵan Volon­ter jyly jańa bastamalar ýaqyty bolmaq. Májilis Tóraǵasy osy taqyryptaǵy oıyn D.Serikbaev atyndaǵy Shyǵys Qazaq­stan memlekettik tehnıkalyq ýnıver­sıtetinde bolǵan oblystyq jastar men eriktiler uıymdary ókilderimen kezdesýde ortaǵa saldy. Jıynda Elbasy Nursultan Nazarbaevtyń strategııasyn jáne Memleket basshysy Qasym-Jomart Toqaev baǵdarlamalaryn, sondaı-aq olardy zańnamalyq qamtamasyz etýdiń basym baǵyttary sóz boldy.

Nurlan Nyǵmatýlın Shyǵys Qazaqstan oblysy ónerkásibi jáne aýyl sharýashylyǵy qatar damyǵan, táýelsiz elimizdiń ekonomıkasyna zor úles qosyp kele jatqan tabıǵaty baı, ındýstrııalyq áleýeti myqty irgeli aımaqtardyń biri ekenin aıtty. Osy rette Qazaqstannyń bolashaǵy jastarda ekenin alǵa tartqan Májilis Spıkeri elimizdiń jarqyn keleshegi jastardyń týǵan elimizdi órkendetýge belsene aralasatynyna senim bildirdi.

 

Shyǵys Qazaqstan oblysy

 

Sońǵy jańalyqtar

iPhone 12 Pro renderi shyqty

Tehnologııa • Keshe

Uqsas jańalyqtar